ავსტრიაში, შესაძლოა, კოვიდ ვაქცინაცია ყველასთვის სავალდებულო გახდეს – დეტალები

ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი:

“რამოდენიმე საათის წინ ავსტრიის მთავრობამ და კანცლერმა ალექსანდერ შალენბერგამ განაცხადა რომ ქვეყანა იწყებს კანონპროექტზე მუშაობას, რომელის მიხედვითაც კოვიდ ვაქცინაცია გახდება ყველასათვის სავალდებულო.

როგორც კანცლერმა განაცხადა შეუძლებელია ქვეყნის ბედი და მისი მომავალი გადააყოლო ატნივაქსერებს.

კანცლერმა განაცხადა რომ ცხადია ეს იქნება ხანგრძლივი კონსულტაციების პროცესი და გამოთქვა იმედი რომ მომავალი წლის თებერვლისათვის შესაძლებელი იქნება ამ კანონის მიღება.

თუ ეს მოხდა, ავსტრია გახდება მსოფლიოში პირველი ქვეყანა, რომელიც სავალდებულოს გახდის კოვიდ ვაქცინაციას.”