დეპუტატი, თამარ ჩარკვიანი:
საზოგადოების ნაწილი ჰააგის გადაწყვეტილებამ პუტინის დაკავებასთან დაკავშირებით დააბნია. ამიტომ, გთავაზობთ ამის შესახებ მცირე განმარტებას და პროგნოზს:
ჰააგის გადაწყვეტილების შემდეგ რუსეთთან კონტაქტი ყველა იმ ქვეყანამ უნდა გაწყვიტოს, რომლებიც რომის სტატუტს უერთდებიან, მათ შორის არის საქართველოც. საერთაშორისო სამართლის ნორმებით, კავშირი ჰააგის პროკურატურის ძებნილთან დანაშაულად ითვლება.
ჰააგის სასამართლოს გადაწყვეტილებით, პუტინის დაპატიმრების სანქციის გაცემა გაეროს უშიშროების საბჭოს წევრი ქვეყნის ლიდერზე განხორციელდა, რაც იმას ნიშნავს, რომ გაეროს წევრი ქვეყნების თავზე პუტინი ვერასოდეს გადაიფრენს, ასეთ შემთხვევაში, თითოეული სახელმწიფო ვალდებულია ფრენა შეზღუდოს და დააპატიმრონ ის!
რა ახალ წესრიგს გვთავაზობს რეგიონსა და საქართველოში?
რუსი დიქტატორი, გლობალური პოლიტიკური ველისთვის ტერორისტია. რაც იმას ნიშნავს, რომ რუსეთთან პარტნიორობა დააზარალებს ყველა მხარეს ანუ მოკავშირეები პუტინს ვეღარ ეყოლება, რადგან ტერორისტის პარტნიორი ცივილური სამყაროსთვის მიუღებელ მხარედ იქნა აღქმული. ასევე, ტერორიზმის მხარდამჭერად გამოცხადდებიან რუსეთთან ურთიერთობაში შემჩნეული ობიექტები.
ქართული ოცნებისა და რუსეთის თბილი პოლიტიკური ურთიერთობა საქართველოს კიდევ უფრო დააახლოებს რუსეთთან, რაც დასავლეთისთვის წითელი ხაზია და 12 პუნქტის შესრულება შეუძლებელია.
უკრაინის პოზიციონირება ომის პირობებში ყველა ლოგიკით ბიძია ვოვას წინააღმდეგ მოქმედებს, რაც უკრაინის გამარჯვებას გარდაუვალს ხდის.
ყველაზე მნიშვნელოვანი – ჰააგის ამ გადაწყვეტილებამ ფაქტობრივად, გაანულა რუსეთ-უკრაინას შორის დაზავის ალბათობა.
საქართველოში ოპოზიციის როლი ამ ყველაფრის გათვალისწინებით კიდევ უფრო გაიზარდა და აუცილებელია პროცესის ვადამდელ არჩევნებამდე მიყვანა, რადგან ევროპულ რეზოლუციას პუტინის გაცხადებული პარტნიორისგან (ოლიგარქიული რეჟიმი) აღსრულება არ უწერია.
კომენტარები