აშშ-ის პრეზიდენტის, დონალდ ტრამპის ადმინისტრაციამ გამოსცა განკარგულებები, რომლებიც სირიას ფაქტობრივად სანქციებს უხსნის. ინფორმაციას Reuters-ი ავრცელებს.
ამერიკის ხაზინის დეპარტამენტის მიერ გამოცემული გენერალური ლიცენზიით, უფლებას აძლევს სირიის დროებით მთავრობას პრეზიდენტ აჰმედ ალ-შარაას მეთაურობით, ცენტრალურ ბანკს და სხვა სახელმწიფო უწყებებს განახორციელონ ოპერაციები.
ამასთან ერთად, როგორც სააგენტო აღნიშნავს, სირიას 180 დღით სანქციები მოუხსნა აშშ-ის სახელმწიფო მდივანმა, მარკო რუბიომ, რათა მათ ხელი არ შეუშალონ სირიაში განსახორციელებელ ინვესტიციებს და ხელი შეუწყონ ქვეყნის უზრუნველყოფას ელექტროენერგიით, წყლით, სანიტარიით და სხვა ჰუმანიტარული საკითხებით.
კომენტარები