აშშ-ის სახელმწიფო მდივანი მაიკ პომპეო ისრაელში ჩავიდა. ეს მაიკ პომპეოს ერთ-ერთი პირველი ვიზიტია უცხო ქვეყანაში, მას შემდგ რაც ჯანდაცვის მსოფლიო ორგანიზაციამ „კოვიდ-19“-ის პანდემია გამოაცხადა.
როგორც „გარდიანი“ იუწყება, აშშ-ის სახელმწიფო მდივანი ისრაელის პრემიერ-მინისტრ ბენიამინ ნეთანიაჰუსა და თავდაცვის მინისტრის პოსტზე წარდგენილ ბენი განცს შეხვდება.
შეგახსენებთ, რომ ისრაელში ახალი კოალიციური მთავრობის ფორმირების შესახებ შეთანხმება აპრილში შედგა. შეთანხმების მიხედვით, ისრაელის პრემიერ-მინისტრის პოსტს თავდაპირველად ბენიამინ ნეთანიაჰუ, უკვე შემდეგ კი, ბენი განცი დაიკავებენ. კოალიციური მთავრობის ფიცის დადების ცერემონია ხვალ არის დაგეგმილი.
პომპეოს ვიზიტის დროს, ასევე განიხილება ნეთანიაჰუსა და განცს შორის მიღწეული შეთანხმების ის ნაწილი, რომლის მიხედვითაც, მდინარე იორდანეს დასავლეთ სანაპიროს ტერიტორიების ნაწილზე ისრაელის სუვერნიტეტის გავრცელება იგეგმება.
კომენტარები