ჟურნალისტი, არჩილ გამზარდია:
“აღარ ვიცი, ვიცინო თუ გული გამისკდეს, ზოგიერთი, ვიღაც პირებს, მხოლოდ იმიტომ რომ შემოსილები არიან და არა თუ ჯანდაცვაში თუ სოციოლოგიაში თუ პოლიტიკაში, არაერთი ღვთისმეტყველებაშიც კი ვერ ერკვევა და მართლმადიდებლობიდან რაღაც “საკუთარ” “რელიგიას” ქმნიან, ათას სისულელეს უჯერებს.
ჩემს გვერდით არაერთს ღუპავს ასეთი შემოსილი, ერევიან პირად ცხოვრებაში, მათ ჯანმრთელობაში, ტვინებს ურეცხავს არ აიცრათ, ექსპერიმენტიაო, 2-3 წელში დაიხოცებით მაგის გამოო, სულის მკვლელობას იწვევსო, აცრილი ჯოჯოხეთში მოხვდებაო, გამოცხადება მქონდაო, მესამე თვალი მაქვსო, მეშვიდე ყურიო, მეხუთე ალღოო. აცრილები წარწყმედილები არიანო, არ დაუჯეროთ და თავი გადაირჩინეთო.
რეებს ვისმენ, რეებს ვკითხულობ, ან გონიერება სადაა, ან სულიერება, ისეთი ადამიანები უჯერებენ მერე ამ მავნებლებს, პატივს რომ სცემ, აზრს რომ ეკითხები, ყურადღებით რომ უსმენდი ზოგადად.
გადაირევა ადამიანი, ასეთი პირები სასულიერო პირები კი არა, ურწმუნოთა სექტაა – შემოსილი თაღლითები – ტარტიუფები და ვინც უსმენს და უჯერებს, არც კი ვიცი ამ გზააბნეულებს რა ეშველებათ.”
კომენტარები