“ასეთი ნაბიჯის გადადგმა ტრამპისა და ბაიდენის, ივანიშვილისა და სააკაშვილის მსგავს ადამიანებს არ შეუძლიათ” – ლორთქიფანიძე

პოლიტოლოგი, ლევან ლორთქიფანიძე:

სპირალი არის მრუდი, რომელიც უსასრულო რაოდენობის ხვეულებს ქმნის წერტილის ირგვლივ და თანდათან შორდება საწყისს.

ყველაფერი დაპირისპირების მცირე აქტით იწყება, შეიძლება თითქოს უმნიშვნელო სიტყვიერი შეურაცხყოფით, შეურაცხყოფას შეურაცხყოფა მოსდევს, შემდეგ ვიღაც დასაშვებად მიიჩნევს მოწინააღმდეგის გალახვას, სამთავრობო შენობის დარბევას, ძალადობას ძალადობა მოჰყვება…

მომდევნო საფეხურზე ფანატიკოსები გამოდიან ასპარეზზე. ისინი დარწმუნებულნი არიან, რომ მათი აზრი უპირობო, აბსოლუტურ ჭეშმარიტებას წარმოადგენს. ფანატიკოსები ადვილად ჩაიქნევენ ხელს დემოკრატიაზე, პროცესზე, რომელსაც დათმობა, მოწინააღმდეგის აზრის გათვალისწინება, დრო სჭირდება. ასეთ დროს სასოწარკვეთილნი ფიქრობენ, რომ კანონიერი საშუალებებით აღარაფერი გამოდის, ყველაფერი იღუპება! მომავლის ფატალისტური ხედვა და საკუთარი აზრის უმცირესი ეჭვის გარეშე მიღება, ადამიანს იარაღის გამოყენებისკენ უბიძგებს… იღუპებიან უდანაშაულო ადამიანები!

და შეიძლება სპირალი სისხლმაც კი არ გააჩეროს და მრუდმა მორიგი ხვეულების წარმოქმნა განაგრძოს მანამ, სანამ თავზე არ დაგვემხობა ყველაფერი.

დღეს ყველა იმ ქვეყანაში, სადაც პოლარიზაცია პიკს აღწევს კონფრონტაციის სპირალი სრული სიმძლავრით არის ამოქმედებული…