მწერალი მერაბ შათირიშვილი უკრაინაში მიმდინარე ომის ფონზე საქართველოში პროდუქტებზე გაზრდილი მოთხოვნის შესახებ სოციალურ ქსელში წერს:
“ყვავს არ ჰქონდა, ბუზს გაჰქონდა..”, დახლები გატყავდა, მარკეტებში სურსათის ბუნკერები პროდუქტისგან ამოიხვეტა, ყველაფერი ამოსუფთავდა, ამ დროს “ვისაც რა აქვს” იმას აგროვებს და სხვაგან აგზავნის, ფულს აქუჩებს და კეთილშობილებას იჩემებს, მარკეტებში დახარბებულები კი, მოძმეს არ შეხვდეს ჩემზე მეტი სარჩოო და, კალათებს ივსებს… რა სასაცილოა ეს ყველაფერი, სატირალი რომ არ იყოს… თქვე ოჯახაშენებულებო, ერთმანეთს სულს ართმევთ, ფიზიკურად ანადგურებთ და თქვენ ხვისი გადამრჩენი ხართ?.. რას გავხართ, ასე რამ დაგამშიათ და, ასე რამ გაგატრივაზათ, აქეთ გაღლეტაზე დამარქაფებულები, იქით ვითომდა სხვისი ხსნისთვის რომ ზრუნავთ?! ნეტა ამ რეალობას არ მოვსწრებოდი, ნეტა ასე აშკარად არ დამენახა ჩვენი გადამრუდებული სახე, სახელს რომ ვერ მოუძებნი – ისეთი…“ – წერს შათირიშვილი.
კომენტარები