“არც მალავენ, რომ რევოლუციის სურვილი აქვთ” – ლევან იოსელიანი

საქართველოს პარლამენტის ვიცე-სპიკერი, ლევან იოსელიანი:

„ნაცმოძრაობას“ თავისი დღის წესრიგი აქვს, რომლითაც მოქმედებს. არც მალავენ, რომ რევოლუციის სურვილი აქვთ. ამას ჩემი დადასტურება რად უნდა, თავად ამბობენ, რომ ხელისუფლება რევოლუციით უნდა შეიცვალოსო. არჩევნებმა დაადასტურა, რომ მოსახლეობის უმრავლესობას ცვლილებები საარჩევნო გზით სურს, სხვა შემთხვევაში, ოპოზიცია რეფერენდუმს მოიგებდა. მანდატი არის იმისთვის, რომ იზრუნო პრობლემებზე, რაც ხალხს აწუხებს, ეს არის მანდატის პირველადი დანიშნულება და მერე შეიძლება თუ ვიღაცის ნახვა გინდა, მიხვიდე და მოინახულო. რაც შეეხება საკონსტიტუციო ცვლილებებს, ვფიქრობ, “ნაციონალურ მოძრაობას” ეყოფა იმხელა პასუხისმგებლობა, რომ პარლამენტის წევრების ის რაოდენობა შეინარჩუნოს, რომელიც საკონსტიტუციო ცვლილების მისაღებადაა საჭირო.

ეს არის ცვლილებები, რომელიც რომელიმე პარტიას კი არა, ამ ქვეყნის პლურალისტურ გარემოს და დემოკრატიას, მრავალპარტიულ პარლამენტს სჭირდება სამომავლოდ. თუ ეს ცვლილებები არ განხორციელდება, ამ პარლამენტში იქნება ორი პარტია და რაც დღეს სამოქალაქო დაპირისპირებაა, ეს იქნება მონაგონი და სანატრელი ისეთ დაპირიპირებას მივიღებთ საბოლოოდ”