“არიან ადამიანები, რომლებზეც შეგიძლია თავი დადო და ასეთი არის კახი კალაძე“, – ამის შესახებ “ქართული ოცნების” თავმჯდომარე ირაკლი კობახიძე “მთავარი არხის” ეთერში საუბრობს. როგორც მან გადაცემაში “გიორგი გაბუნიას ინტერვიუ ხელისუფლებასთან” თქვა, კახი კალაძე არის საუკეთესო მერი და წლების განმავლობაში თანამშრომლობამ მისცა საფუძველი, რომ მასზე ასე იფიქროს.
არიან ადამიანები, რომლებზეც შეგიძლია თავი დადო და ასეთი არის კახი კალაძე. მე პირადად მასთან მაქვს ურთიერთობა, ჩვენ პრაქტიკულად ტანდემში ვმუშაობდით ორი კაცი. 2014 წლის ბოლოს, როცა მე გავხდი აღმასრულებელი მდივანი, 2 წელი ერთად ვმუშაობდით, 2016 წლის საპარლამენტო არჩევნებამდე, შემდეგ გაგრძელდა ეს ერთობლივი სამუშაო პროცესი. მუდმივად ამ რეჟიმში ვმუშაობთ და მე ერთი ფაქტიც არ მახსენდება იმის, რომ ჩვენ სხვადასხვა პოზიცია გვქონოდეს გარკვეულ საკითხთან დაკავშირებით, ერთი მარტივი მიზეზის გამო. კახი კალაძე ყოველთვის საქმიდან და ობიექტური ინტერესებიდან გამომდინარე ქვეყნის და გუნდის ობიქეტური ინტერესებიდან გამომდინარე იღებს გადაწყვეტილებებს და დგამს ნაბიჯებს. ეს არის ისეთი გამოცდილება, 7-წლიანი გამოცდილება, რომელიც სრული სიმყარის გარანტიას იძლევა როდესაც ადამიანს აფასებ, – ამბობს ირაკლი კობახიძე.
კომენტარები