ქართული ოცნების დეპუტატი, დიმიტრი ხუნდაძე ფორმულასთან ადასტურებს, რომ ჯანდაცვის მინისტრობის ერთ-ერთ კანდიდატად პარლამენტის ყოფილი თავმჯდომარე, არჩილ თალაკვაძე განიხილება.
დიმიტრი ხუნდაძე:
“ყველა კანდიდატთან მიმდინარეობს კონსულტაციები, ყველა შესაძლო კანდიდატურის განხიულვა მიდის, ისე, რომ ცოტა დრო დაგვჭირდება იმისათვის, რომ ახალი მინისტრობის კანდიდატი გამოიკვეთოს. ყველა კანდიდატი განიხილება, მათ შორის, არჩილ თალაკვაძეც.
საკმაოდ გამოცდილი კადრია, კარგი ადამიანია, კარგი პროფესიონალია და სექტორშიც აქვს მონაწილეობა მიღებული მნიშვნელოვან გადაწყვეტილებებში, მათ შორის ც ჰეპატიტის ელიმიანციის პროგრამაა. უწყებრივ თანამდებობებზე აქვს საკმაოდ დიდი გამოცდილება”
არჩილ თალაკვაძე კი, არც უარჰყოფს და არც ადასტურებს ინფორმაციას, რომ შესაძლოა, სწორედ ის გახდეს ჯანდაცვის ახალი მინისტრი და მედიასთან ამბობს:
“გუნდში მიმდინარეობს ჯანდაცვის ახალ მინისტრზე განხილვა, მსჯელობა. ეს არის პრემიერ-მინისტრის პრეროგატივა და სწორედ ის წარადგენს ჯანდაცვის ახალ მინისტრს. ჩვენი ყველას მხარდაჭერა აქვს პრემიერ-მინისტრს რომ შეარჩიოს ყველაზე კომპეტენტური და ყველაზე მომზადებული კადრი, რომელიც უპასუხებს იმ გამოწვევებს, რაც არის დღეს საზოგადოებრივი ჯანდაცვის სფეროში.
თანამდებობა არასდროს ყოფილა ჩემი თვითმიზანი, ეს არის საშუალება, რომ საქმე გააკეთოს ადამიანმა. მე ვარ საქართველოს პარლამენტის წევრი, მეამაყება, რომ საქართველოს პარლამენტში ვარ არჩეული. გუნდში მსჯელობის შედეგად, შეთანხმება მოხდება და პრემიერ-მინისტრი წარადგენს საუკეთესო კანდიდატს იმ მოცემულობაში, რომელშიც დღეს ვართ”
კომენტარები