“არავინ, გარდა ოცნებისა არ იცის თუ რა საარჩევნო სიები იტვირთება ვერიფიკაციის და სხვა აპარატებში”– ვანო ბურდული

ოპოზიცია ოცნებას შეჰყვა თამაშში, რომლის წესებიც ბუნდოვანი და გაურკვეველი იყო.

ფაქტია (და არა შეფასება), რომ:

1. ელექტრონული მოწყობილობების შერჩევასა და მათი ტექნიკური პარამეტრების განსაზღვრაში გადაწყვეტილება მიიღო მხოლოდ ქართულმა ოცნებამ (ცესკო);

2. თუ ხმის მთვლელ აპარატზე გარკვეული კონსენსუსი წინა წლებში არსებობდა, ვერიფიკაციის აპარატი და პლანშეტი მხოლოდ ქართული ოცნების მიერ, ვითომდა საარჩევნო რეფორმის ფარგლებში იქნა შემოთავაზებული;

3. თუ ადრე იძახდნენ, რომ უბანზე ინტერნეტი არ არსებობს, უცებ გაჩნდა პლანშეტი, სადაც 5G ინტერნეტია ჩართული;

4. არავინ, გარდა ოცნებისა არ იცის თუ რა ფაილები ან საარჩევნო სიები იტვირთება ვერიფიკაციის და სხვა აპარატებში;

5. არავინ, გარდა ოცნებისა არ იცის თუ რა ოპერაციულ სისტემაზე მუშაობს აპარატები ან რა ტექნიკური მონაცემები გააჩნია მათ;

6. არავინ, გარდა ოცნებისა არ იცის აპარატების პროგრამული კოდი და სამუშაო პროცესები;

7. ყველა საარჩევნო აპარატზე ტოტალურ, ერთპიროვნულ კონტროლს ახორციელებდა მხოლოდ ქართული ოცნება (ცესკო);

8. მხოლოდ ოცნების მიერ იქნა შერჩეული აუდიტორული კომპანია Pro V and V, რომელსაც გვთავაზობენ როგორც სანდო კომპანიას, თუმცა მათი ვებ გვერდიც კი არ მუშაობს გამართულად (https://provandv.com/wordpress/news/);

9. მხოლოდ ოცნების მიერ ფორმულირებული კითხვები იყო დასმული ამ კომპანიისთვის, პასუხად კი დასკვნაში წერია რომ ყველაფერი იდეალურადაა, მათ შორის ხმების ფარულობის საკითხი;

10. აუდიტორულ კომპანიას, ანაზღაურება ქართულმა ოცნებამ (ცესკომ) გადაუხადა;