“არავინ დასდევს და ლახავს, პროპაგანდა არ მიმაჩნია მიზანშეწონილად” – კახა კალაძე პრაიდზე

დედაქალაქის მერი, კახა კალაძე, პრაიდზე:

ძალიან სენსიტიური საკითხებია. ჩვენს ქვეყანაში ყველა ადამიანის უფლება დაცულია, მიუხედავად სარწმუნოებისა, მიუხედავად სექსუალური ორიენტაციისა, არავის არ დასდევენ, არავის არ ეკიდებიან თავის სექსუალური ორიენტაციის ან სარწმუნოების გამო.

სამწუხაროა ის ფაქტი, მე რამდენიმე დღის წინ დავაფიქსირე პრაიდთან დაკავშირებით აზრი, რომ მიზანშეწონილად არ მიმაჩნია მისი ჩატარება. ვერ წარმოიდგენთ, რამხელა აგრესია მოყვა. მე არავისთვის შეურაცხყოფა არ მიმიყენებია. ვერავინ ვერ ნახავს ჩემს ჰომოფობიურ განცხადებებს.

განსხვავებული სექსუალური ორიენტაციის ადამიანები ცხოვრობენ ჩვენთან, ჩვენი საზოგადოების ნაწილი არიან წლების განმავლობაში, მომავალშიც იარსებებენ. ჩვეულებრივი ადამიანები არიან, როგორც ჩვენ, ორი ფეხი აქვთ, ორი ხელი აქვთ, სამსახურიდან არ აგდებენ, სარგებლობენ ყველა სერვისით.

გამოხატვის თავისუფლება ყველას აქვს. აქვე, არსებობს პასუხისმგებლობა, რომ შენი გამოხატვის თავისუფლებით სხვისი უფლება არ უნდა შეილახოს. არავინ არ დასდევთ, არავინ არ ლახავს… ჩვეულებრივად ცხოვრობენ და არსებობენ. ამ მიმართულების პოპულარიზაცია, პროპაგანდა მე არ მიმაჩნია მიზანშეწონილად.”