გუშინ, საპატრიარქოსთან კოვიდპასპორტების წინააღმდეგ გამართულ აქციას საზოგადოების არაერთგვაროვანი შეფასებები მოჰყვა, რასაც აქციის ერთ-ერთი ორგანიზატორი, საზოგადოება „ერი და სახელმწიფოს“ თავმჯდომარე ზვიად ტომარაძე სოციალურ ქსელში გამოეხმაურა:
„არაასდროს მიჭირდა შეცდომის აღიარება და არც შენდობის თხოვნა მეთაკილებოდა, მაგრამ თავს დამნაშავედ არ ვთვლი… ისეთი ხალხი იცავს საპატრიარქოს ჩემგან, მართლა მეცინება, მე რომ საპატრიარქოს ვედექი გვერდში, ქუჩაში, ტელეეთერებში და პარლამენტში, ზოგი მაშინ კაკლის ხეებს რგავდა და ზოგი კიდევ იუსტიციაში დარბოდა გვარის გადასაკეთებლად… არ მინდოდა ამის თქმა, მაგრამ რადგან, ჩემს განცხადებას, რომ საჯაროდ პასუხს არ გავცემდით, ახლა ვიდეოების დამონტაჟებით უპასუხეს, ახლა რეალურ მიზეზს გეტყვით, თუ რატომ ხდება ჩემი დისკრედიტაციის მცდელობები…იცით რომ ჩვენი ორგანიზაცია შედეგზე ვართ ორიენტირებული და არ ვაკეთებთ პოპულისტურ აქციებს. სხვადასხვა ფეისბუკმეგობრებმა არაერთხელ მომწერეს პირადში, რომ აქცია ჩაგვეტარებინა ლუგარის ლაბორატორიასთან, ჩვენ ამაზე უარი ვთქვით, რადგან არაფრის მომტანი და უშედეგო აქცია იქნებოდა… ჩვენი უარის შემდეგ რუსეთთან დაახლოებულმა ჯგუფმა მიიღო მკაფიო დავალება, ვითომ ამირან გამყრელიძის და პაატა იმნაძის გასაშავებლად, სინამდვილეში კი რუსეთის საამებლად აქცია ჩატარებულიყო ლუგარის ცენტრთან… ჩვენ ბრძოლას ვაგრძელებთ, სამშაბათს 7 დეკემბერს, 12:00-ზე აქცია კანცელარიის წინ, “საკოორდინაციო საბჭოს სხდომის პარალელურად“ – წერს ზვიად ტომარაძე.
კომენტარები