“არა და არასოდეს, არ შევიწყალებ, რადგან არასოდეს დამავიწყდება ენუქიძის თვალები” – პრეზიდენტი

საქართველოს პრეზიდენტი, სალომე ზურაბიშვილი, საგანგებო განცხადებას აკეთებს:

“ბევრი კითხულობს დღეს აპირებს თუ არა პრეზიდენტი სააკაშვილის შეწყალებას

ჩემი პასუხია – არა და არასოდეს.

იმიტომ რომ ირინა ენუქიძის თვალები არასოდეს დამავიწყდება და არც ყველა იმ ადამიანის თვალები, ვინც სამართლიანობას ვერ მოესწრო.

იმიტომ რომ ერთგული ვარ, როცა ვიდექი და ვებრძოდი რეჟიმს, რომელიც ფეხქვეშ თელავდა კანონს, ადამიანების უფლებებს.

იმიტომ, რომ მან, ქვეყნის პრეზიდენტის ფიცისთვის მიუღებელი გადაწყვეტილება მიიიღო, როცა მოქალაქეობა დატოვა და დღეს შემოიჭრა ქვეყნის ტერიტორიაზე და ამით სამართლადამცველთა ავტორიტეტის შელახვა სცადა

და რაც ყველაზე მთავარია, შემოვიდა ქვეყანაში, რათა დესტაბილიზაცია ეცადა, ყველა საერთაშორისო გაფრთხილების მიუხედავად.

აწი კანონი იკანონებს და იწყება ახალი ფურცელი სახელმწიფოს მშენებლობის, არა რევანშის – არამედ დეპოლარიზაციის.

ტყუილად ნურავინ იმუქრება, არ მოხდება მასიური გამოსვლები, ქვეყანა დაიღალა, სამართალსა და სიმშვიდეზე ოცნებობს.

კიდევ უფრო დიდი პასუხიმსგებლობა ენიჭება ხელისუფლებას, რათა ეს ქვეყანა წაიყვანოს დემოკრატიულ, ევროპულ და ძლიერი სახელმწიფოს მშენებლობის გზაზე. უნდა შეასრულოს ყველა დაპირება მოქალაქეების და პარტნიორების წინაშე – ევროპული რეფორმები.

დროა წარსულს ზურგი შევაქციოთ, ყველა პარტიამ საკუთარი ადგილი მოიპოვოს პარლამენტში და ერთად და არა ერთმანეთის წინააღმდეგ ვაშენოთ საქართველო.”