ლევან ჯავახიშვილი
„ალიასთან“ ირაკლი კობახიძის განცხადებაზე კომენტარს აკეთებს ექსპერტი, გია ხუხაშვილი.
– ეს არის მორიგი უტიფარი განცხადება, საბოტაჟის ტოლფასი, პირდაპირ რომ ვთქვათ. „ქართულ ოცნებას“ გარკვევით უთხრეს, შეასრულეთ პირობები, კონკრეტული 12 პუნქტი და მიიღებთ ევროკანდიდატის სტატუსსო. ახლა ესენი ეუბნებიან ევროკავშირის ლიდერებს, არა, თქვენ არ გენდობით სიტყვაზე, მაგრამ თქვენ უნდა ვენდოთ იმავე სიტყვაზე, ჯერ სტატუსი მოგვეცით და მერე საარჩევნო ბარიერს დავწევთო. უკაცრავად, მაგრამ ბარიერის თემა ასეთი სატყუარა რატომ არის, ვითომ „ნაცმოძრაობას“ ამით ფორას ვაძლევთო? რა ფორას აძლევენ, რა სისულელეა. ფაქტიურად, კობახიძე არის უსინდისო შანტაჟზე გადასული. დიდი ბოდიში, მაგრამ შარლ მიშელის ხელმოწერილი დოკუმენტის ანილირება რომ მოახდინა კობახიძემ და მისი ნდობა პლინტუსს ქვემოთ არის, თავის თავს კიდევ აძლევს იმის თავხედობის უფლებას, ევროკავშირს ულტიმტუმს უყენებს, ჯერ თქვენ მოგვეცით სტატუსი და მერე ჩვენ გავაკეთებთ რაღაცასო. არ ვიცი, ამ კაცის თავხედობას რა დავარქვა.
– ირაკლი კობახიძის ამ განცხადებას ევროკავშირის, მისი სტრუქტურების ხელმძღვანელები როგორ გაიგებენ?
– გაიგებენ ისე, როგორც გითხარით. ისინი კობახიძის ყველა ტლიკინაზე რეაქციას ხომ არ მისცემენ? ჩვენ ვნახვთ საბოლოო შედეგში იმათ რეაქციას, დეკემბერში. როდესაც გავა ეს დათქმული ვადა, 6 თვე და არაფერი იქნება გაკეთებული, მაშინ ხომ გამოჩნდება ყველაფერი.
კომენტარები