„არ ვაპირებდი ამ პოსტის დაწერას, მაგრამ ვხედავ, აუცილებელია” – ვაჟა შუბითიძე

პოლიტოლოგი ვაჟა შუბითიძე:

„არ ვაპირებდი ამ პოსტის დაწერას, მაგრამ ვხედავ, აუცილებელია. ნათქვამია, ნუ(ვერ) იქნები რომის პაპზე მეტი კათოლიკეო. მე, “საქართველოს დიდი მეფეების”, “სამშობლოსმცოდნეობის”, “ქართული ციხე-სიმაგრეებისა და ეკლესია-მონასტრების”, “ნიკო ნიკოლაძე- კაცი-სახელმწიფოს” და ა.შ. ავტორს, საქართველოს პატრიოტს, ცილს მწამებენ, თითქოს გულგრილი ვიყო ჩემი ქვეყნის მიმართ და ის ჭორიც კი გაუვრცელებიათ ჩემს ზურგს უკან, რომ თითქოს მე ამერიკის საელჩო მაფინანსებდეს(!).

კონსტანტინე გამსახურდია ამბობდა, რომ თუ გინდა კაცს გული მოუკლა და შეურაცხყო, ის უნდა დააბრალო, რის წინააღმდეგ მთელი ცხოვრება იბრძვისო. გარდა იმისა, რომ ერთ ამერიკელსაც არ ვიცნობ დედამიწაზე, არ ვიცი ინგლისური(გერმანულს ვსწავლობდი სკოლიდანვე), ნამყოფი არა ვარ ამერიკის საელჩოში, არასოდეს არ მიმიღია არანაირი გრანტი, არ ვმუშაობ არსად გეპეის გარდა, ვცხოვრობთ დანგრევის პირას მყოფ ოროთახიან იტალიურ ეზოში, არ მყავს მანქანა და კიდევ ბევრი აუცილებელი (სამაგიეროდ მაქვს ბანკის ვალი 15 წელია), არასოდეს არ მიმიღია ქრთამი და ვინმეს დახმარება (მამის გარდა), უხერხულიც კია ამბობდე, რომ ჩემი სამშობლო მიყვარსო.

ბევრმა ვერ გაიგო, თუ რატომ ვუჭერ ამ ომში მხარს ამერიკას და უკრაინას. 2008 წლამდე აშშ-ს მიმართ ძალიან კრიტიკულად ვიყავი(ნახეთ ჩემი ანტიგლობალური სტატიები), მაგრამ აგვისტოს ომში რუსეთის მიერ საქართველოსთვის მიყენებულმა ზიანმა და აფხაზეთ-ცხინვალის აღიარებამ დამარწმუნა, რომ ამ ტერიტორიებს სხვისი დახმარების გარეშე ვერ დავიბრუნებდით. ამიტომ გადავიხარე ამერიკისკენ,“