“არ უსმინო მღვდელს, რომელიც გეუბნება, რომ არ აიცრა. არა ერთი სასულიერო პირი დაიღუპა კოვიდით…” – ვახო სანაია

ჟურნალისტი, ვახო სანაია:

“● თუ აიცრები, არ არის გამორიცხული, ისევ დაინფიცირდე, მაგრამ სიკვდილს გადაურჩები.

● თუ არ აიცრები, დაინფიცირდები და სიკვდილის რისკი იმატებს.

● გარდაცვლილი ადამიანების აბსოლუტური უმრავლესობა აუცრელია.

● ისინი რომ აცრილები ყოფილიყვნენ, არ დაიღუპებოდნენ.

● საქართველოში ბოლო 24 საათში კოვიდით 44 ადამიანი გარდაიცვალა.

● ისევე, როგორც ჩვენ, ისინიც დადიოდნენ ეკლესიაში, სწამდათ, ლოცულობდნენ ; ჰყავდათ შვილები. ისევე, როგორც ჩვენ; ჰყავდათ მშობლები. ისევე, როგორც ჩვენ; ჰყავდათ, დები, ძმები, ნათესავები, მეზობლები. ისევე, როგორც ჩვენ…

● მთავრობა ვერ მუშაობს – ამიტომ თავად უშველე თავს. აიცერი !

● არ უსმინო მღვდელს, რომელიც გეუბნება, რომ არ აიცრა. არა ერთი სასულიერო პირი დაიღუპა კოვიდით – ისინიც კი, რომლებიც ამტკიცებდნენ, რომ კოვიდი არ არსებობს ან ვაქცინას ებრძოდნენ; არ უსმინო მღვდელს, რომელიც სისულელეებს ლაპარაკობს. დაუჯერე ნაკითხ და კაცთმოყვარე სასულიერო პირებს, რომლებიც თავადაც იცრებიან და სხვების სიცოცხლესაც უფრთხილდებიან.

● ვინც აცრება, სიკვდილს გადაურჩება. ვინც არ აიცრება – სიკვდილს ეთამაშება.

● იფიქრეთ ექიმებზეც – წელში წყდებიან. არაადამიანური დატვირთვა აქვთ.

● იფიქრეთ ქვეყანაზე – ვერ გაუძლებს. შიმშილი გარანტირებულია.

● ვაქცინა უფასოა.

● სხვა რა გითხრათ ?! იმის გამო, რომ ვაქცინას არ იკეთებთ, უბრალოდ სწირავთ საკუთარ და სხვის სიცოცხლეს. ანადგურებთ საკუთარ თავსაც და ქვეყანასაც.”