“არ მინდა ციხეში სიკვდილი… სამსახური დავკარგე, პენსია დავკარგე…” – კოტე კოკაია

4 ოქტომბრის საქმეზე დაკავებულმა კონსტანტინე (კოტე) კოკაიამ სასამართლო პროცესზე განაცხადა.

“ბატონო მოსამართლე გულით ავადმყოფი ვარ შუნტირება მაქვს გაკეთებული და წამლებს საკუთარი სახსრებით მაიძულებენ რომ ვიყიდო, ეს შეიძლება?

მე სამსახურებრივ მოვალეობას ვასრულებდი, ჩემი სამსახური რუსთაველის 37 ნომერში მდებარეობს, ორი სმენა ვიმუშავე, იმ დღესაც ხალხთან ერთად ვიყავი და არანაირ ძალადობას ადგილი არ ჰქონია. თავს დამნაშავედ არ ვცნობ. მე მაინც მგონია ვინმე გონიერი მოვა ერთ დღეს და მადლობას მეტყვის, რომ ჩემი იოტისოდენა წვლილი შევიტანე, რომ იქ იმ დღეს სისხლის ღვრა არ ყოფილიყო.

სამსახური დავკარგე, პენსია დავკარგე, ოჯახი ულუკმაპუროდ დავტოვე, გთხოვთ გამოიჩინოთ ჰუმანურობა, მე არ მინდა სიკვდილი ციხეში, მინდა სამართლიანობამ იზეიმოს და ყველა გაათავისუფლოთ.”