“არ მინდა მრცხვენოდეს… მთავრობის თავმჯდომარემ მოიხადოს ბოდიში და გადადგეს” – გიორგი მასალკინი

რუსეთის ხელისუფლებამ სასწრაფო წესით მიიღო კანონი, რომელიც ფაქტობრივად აწესებს სამხედრო ცენზურას რუსეთში. ოფიციალური ნარატივიდან გადახვევისას, ჟურნალისტებს 15 წლამდე პატიმრობა ემუქრება.

ის რისკიც არსებობს, რომ ეს კანონი უკუძალით იმოქმედებს და „Дождь“- ის ჟურნალისტები შეიძლება დაისაჯონ ადრე გამოშვებული გადაცემების გამო, სადაც ისინი ომს – ომს უწოდებდნენ და სახელმწიფოს იდეოლოგიურ-პროპაგანდისტულ მეინსტრიმს თამამად და პროფესიუნალურად უპირისპირდებოდნენ. ამ ტელეარქის ერთ-ერთი სახე იყო ჟურნალისტი მიხაილ ფიშმანი, რომელიც ცდილობდა ოჯახთან ერთად საქართველოში შემოსვლას, რის საშუალება მას არ მისცა ჩვენმა ხელისუფლებამ.

დღემდე მე ვიყავი წინააღმდეგი შექმნილ რთულ სიტუაციაში მთავრობის გადაყენების მოთხოვნისა. მაგრამ ჩვენი ხელისუფლების ამ უღირსო ქმედებამ, ჩემი, არარადიკალურად განწყობილი პიროვნების ფიალაც აავსო.

ამ სამარცხვინო ქმედების გამო მთავრობის თავმჯდომარემ საჯაროდ უნდა მოიხადოს ბოდიში და გადადგეს.”