“არ მაქვს იმედი, რომ მამუკა ხაზარაძე ამას მიხვდება” – ჯანგირაშვილი

ჟურნალისტი, ნინო ჯანგირაშვილი:

ერთი წუთით არ მეპარებოდა ეჭვი, რომ ყაველაშვილი ხაზარაძეს და ჯაფარიძეს შეიწყალებდა. ლოგიკა მარტივია: ამდენი პოლიტიკოსი ციხეში რეჟიმისთვის დიდი პრობლემაა. გარდა ამისა, უკიდურესად ჭირდებათ რომ 4 ოქტომბრის ფარსი ოდნავ მაინც დაემსგავსოს არჩევნებს. მთელ ამ პროცესში არც მიფიქრია, რომ ლელო ქოცებს გაურიგდა. მაგრამ, სამწუხაროდ, შედეგისთვის მნიშვნელობა არ აქვს, ის გარიგებით დადგა თუ არასწორი გათვლებით და ფატალური შეცდომებით. ქოცების მინდორზე თამაში უბრალოდ არ შეიძლება. ტალახში ამოიგანგლები და მათთან ერთად მოგიწევს სულ ფორთხვა. მინდა იმედი მქონდეს, რომ მიხვდება მამუკა ხაზარაძე ამას და სწორ გადაწყვეტილებას მიიღებს. სამწუხაროდ არ მაქვს ეს იმედი. მაინც ვულოცავ გათავისუფლებას ხაზარაძეს და ჯაფარიძეს, იმიტომ რომ პოლიტპატიმრები ციხეში არ უნდა იყვნენ.