“არ ჰქონდა მიზნად ძმის მოკვლა, ტირის, იგი არა მხოლოდ ბრალდებული, დაზარალებულიცაა” – ადვოკატი

გო­რის მუ­ნი­ცი­პა­ლი­ტეტ­ში, ტყუპისცალი ძმის მკვლე­ლო­ბის­თვის ბრალ­დე­ბუ­ლის სა­ზო­გა­დო­ებ­რივ­მა ად­ვო­კატ­მა მა­რი­ამ ინ­დუ­აშ­ვილ­მა, მედიასთან გა­ნა­ცხა­და:

“ძმის მკვლე­ლო­ბა­ში ბრალ­დე­ბუ­ლი აღ­კვე­თის ღო­ნის­ძი­ე­ბად პა­ტიმ­რო­ბის შე­ფარ­დე­ბას და­ე­თან­ხმა. ჩემი დაც­ვის ქვეშ მყო­ფი არის გა­ნად­გუ­რე­ბუ­ლი, რო­გორც მან აღ­ნიშ­ნა, მის­თვის მნიშ­ვნე­ლო­ბა არ აქვს, იქ­ნე­ბა პა­ტიმ­რო­ბა­ში თუ პა­ტიმ­რო­ბის გა­რე­შე. და­მერ­წმუ­ნეთ, მომ­ხდა­რით ისეა გა­ნად­გუ­რე­ბუ­ლი, ისეთ მდგო­მა­რე­ო­ბა­შია, რომ იგი გახ­ლავთ არა მხო­ლოდ ბრალ­დე­ბუ­ლი, ამავდრო­უ­ლად, და­ზა­რა­ლე­ბუ­ლი­ცაა. მო­ტი­ვი, რომ მო­ეკ­ლა თა­ვი­სი ტყუ­პის­ცა­ლი, არის აბ­სო­ლუ­ტუ­რად აბ­სურ­დუ­ლი. მომ­ხდა­რის შემ­დეგ თა­ვად აქ­ცევ­და ძმას ყუ­რა­დღე­ბას, გა­მო­ი­ძა­ხეს სას­წრა­ფო. ნას­ვამ მდგო­მა­რე­ო­ბა­ში იყ­ვნენ, მოხ­და კა­მა­თი, რა­საც შემ­დგომ ასე­თი მძი­მე შე­დე­გი მოჰ­ყვა.

იგი წარ­დგე­ნილ ბრალს არ აღი­ა­რებს, გა­მო­ი­ყე­ნა დუ­მი­ლის უფ­ლე­ბა. პრო­კუ­რა­ტუ­რის მო­ტი­ვი, თით­ქოს, ად­გი­ლი ჰქონ­და შუ­რის­ძი­ე­ბას, ეს არ არის სწო­რი. ძმას­თან ძა­ლი­ან კარ­გი ურ­თი­ერ­თო­ბა ჰქონ­და და მთე­ლი ამ დღე­ე­ბის გან­მავ­ლო­ბა­ში სა­შინ­ლად გა­ნიც­დის მომ­ხდარს, ტი­რის. მარ­თა­ლია, ეს მის მდგო­მა­რე­ო­ბას არ შე­ამ­სუ­ბუ­ქებს, მაგ­რამ ჩვენ და­ვამ­ტკი­ცებთ, რომ მას მიზ­ნად არ ჰქო­ნია ძმის მოკ­ვლა“

შემ­თხვე­ვა სო­ფელ ახალ­სო­ფელ­ში, პირველ იან­ვარს მოხ­და. ძმებს შო­რის მომ­ხდა­რი და­პი­რის­პი­რე­ბის შე­დე­გად 32 წლის გი­ორ­გი კუ­თა­რაშ­ვი­ლი და­ნით მი­ყე­ნე­ბუ­ლი და­ზი­ა­ნე­ბე­ბის შე­დე­გად და­ი­ღუ­პა.

შსს-ს ინ­ფორ­მა­ცი­ით, გა­მო­ძი­ე­ბა სსკ-ის 11 პრი­მა 109-ე მუხ­ლით მიმ­დი­ნა­რე­ობს, რაც ოჯა­ხის წევ­რის მი­მართ და­მამ­ძი­მე­ბელ გა­რე­მო­ე­ბა­ში ჩა­დე­ნილ გან­ზრახ მკვლე­ლო­ბას გუ­ლის­ხმობს და თა­ვი­სუფ­ლე­ბის აღ­კვე­თას ვა­დით 13-დან 17 წლამ­დე ით­ვა­ლის­წი­ნებს.