ქართული ოცნების თავმჯდომარე, ირაკლი კობახიძე აშშ-ს სახელმწიფო დეპარტამენტის ანგარიშში სასამართლოზე გაკეთებულ ჩანაწერს ეხმიანება და ამბობს:
“სასამართლოსთან დაკავშირებით, ჩვენ გვჭირდება ფაქტები და მტკიცებულებები და არა ზოგადი განცხადებები. ყოველ ჯერზე ამას ვითხოვთ, თუმცა, სამწუხაროდ, არ გვაქვს არავითარი მტკიცებულება მანკიერებათა შესახებ სასამართლოში… თუ ვინმეს სურს, გააკრიტიკოს ესა თუ ის ინსტიტუტი, მათ შორის სასამართლო, თუ ნებისმიერი სხვა, უნდა წარმოადგინოს მტკიცებულებები”.
ამერიკის შეერთებული შტატების სახელმწიფო დეპარტამენტის ანგარიშის შემაჯამებელ ნაწილში ყურადღება გამახვილებულია სასამართლო ხელისუფლების დამოუკიდებლობის პრობლემებზე, თვითნებურ ან შერჩევით დაკავებებზე, გამოძიებებზე, რომლებიც, სხვადასხვა ანგარიშის თანახმად, მიჩნეულია პოლიტიკურად მოტივირებულად.
შეჯამებაში ასევე ხაზგასმულია კონფიდენციალურობის უკანონო დარღვევის პრობლემა, ძალადობა და მუქარა ჟურნალების მიმართ, მშვიდობიანი დაჯგუფებებისა და გაერთიანებების შეზღუდული პატივისცემა, დანაშაულები, რომლებიც მოიცავს ძალადობას ან მუქარას.
ამასთან, სახელმწიფო დეპარტამენტი აღნიშნავს, რომ საქართველოში რიგი დანაშაულების გამო დაუსჯელობა პრობლემად რჩება.
კომენტარები