დეპუტატ თაკო ჩარკვიანის მეუღლე, ბიზნესმენი ჯონი გიგანი:
“პასუხად ჩემ ოპონენტს „ნაცმოძრაობიდან“, ლაშა ბეჭვაიას:
დამოუკიდებლობა და თავისუფლება ჯიშ- ჯილაგით მერგო ღმერთის წყალობით…
ავხსნი რატომ; სვანეთში დავიბადე და გავიზარდე, ოღონდ უბატონო სვანეთში. უბატონო სვანეთმა შემოინახა საქართველოსთვის 300 სვანური, უნიკალური კოშკი, რაც დღეს მსოფლიოს საგანძურს წარმოადგენს.
აქედან პირადად ჩემმა წინაპარმა ისტორიულად, 27 კოშკი ააშენა. მათ შორის, ყველაზე ძველი მე-8 საუკუნით თარიღდება. ჩემმა დიდმა ბაბუამ თათავ გიგანმა მე-20 საუკუნეშიც განაგძო წინაპართა ტრადიცია და საკუთარი სახლის ეზოში სვანური კოშკი ააშენა, რომელიც შუა მშენებლობის დროს კომუნისტებმა გააჩერეს. თუმცა, აშენებული მაინც დაასრულა, გადახურა და დღეს ამ ისტორიის სახედ დგას.
სხვა საგვარეულოებმა უფრო ნაკლები, 12-14 კოშკი ააშენეს; აი, ეს არის პასუხი, თუ რა მანერვიულებს შენგან განსხვავებით, ბატონო ლაშა!
იქნებ ნერვიულობის და წუხილის უფლება მაინც დამიტოვო?
სვანეთში, ჩემი წინაპრის აშენებული ეთნოგრაფიული ძეგლების სანახავად, ტურისტი რომ მიდის, ასეულობით მილიონი შედის ბიუჯეტში. აი, ეს მაქვს დასაკარგი ჩემო კარგო ადამიანო, შენგან განსხვავებით!
ახლა მინდა გითხრა 90-იან წლებში რას ვაკეთებდი; 9 აპრილის სისხლიან ღამეს, რუსული ნიჩბის დაღი სამუდამოდ დამრჩა ზურგზე, როგორც ოკუპანტის ავტოგრაფი!
შემდგომ წავედი და დავსაქმდი ბიზნესში; ბიზნესშიც ბევრი ტერაქტი გადავიტანე; ჩემი პატიოსანი ნაშრომის ხელიდან წაგლეჯვა უნდოდათ; მე კი არ “ვიწერდი”! მექრთამეებსა და შემწერავ დაჯგუფებებს სისხლის ფასად ვიგერიებდი, რითაც ზარალდებოდა ჩემი ოჯახი და საქმე.
ამ მექრთამეობის და დაჯგუფებების უკან ყოველთვის რუსული სპეცსამსახურები იდგნენ… ასეა დღესაც.
მიხეილ სააკაშვილს რატომ ვცემ პატივს? ამ უმსგავსობას, ყაჩაღობას და ღალატს ვინც ჩადიოდა ქვეყნისა და ხალხის წინაშე, მხოლოდ მან გაბედა, ამხილა და ბრძოლა გამოუცხადა.
ამ რუსულ „კლასტერს“ ახლა გამომწყვდევული ჰყავს მესამე პრეზიდენტი და წამებით კლავს. პრეზიდეტ სააკაშვილის, სახელმწიფოს მშენებლის მხარდამჭერი სტატუსით აშკარად უკმაყოფილო ხარ! ნაცვლად იმისა, რომ მადლიერი იყო!
მიშას ხმები ხომ ნაცადმინისაა? ყველანი რომ გახვიდეთ აქციაზე ათასობით ხომ იქნებით?
თუ მესამე პრეზიდენტის ტყვეობიდან გამოხსნა ნამდვილად გინდათ!
ეს თქვენ არ გინდათ! ეს უკვე ღალატია!
თქვენ აჩერებთ ოპოზიციურ პროცესს!
გამოდის, რომ ივანიშვილის და პუტინის „ბოსტანში ასხამთ წყალს“!
ამის შედეგი დანარჩენ ევრო -ვექტორს გვეხება და ამას არ გაპატიებთ!
პირველ რიგში არ გაპატიებთ თქვენი ლიდერის ღალატს!
არც ხალხი არ გაპატიებთ!
ევროპული კურსის პოლიტიკურ ძალებს მოღალატე არ უნდა ჰყავდეს სათავეში!
ჩვენ იდეალისტები ვართ და იდეისთვის ვიბრძვით!
ღალატის პატიება ქვეყნის დაქცევაა, ეს დროზე გაითავისეთ!!!”
კომენტარები