ლევან ჯავახიშვილი
„ალიას“ ესაუბრება პოლიტიკური მოძრაობა „ტრიბუნას“ დამფუძნებელი, დავით ჭიჭინაძე.
– სალომე ზურაბიშვილმა 16 ივნისს საქართველოსთვის ევროკავშირის კანდიდატობის სტატუსის მიღების მხარდამჭერი აქცია დაანონსა. 20 ივნისს ამავე მიზეზით „სირცხვილია“ ატარებს აქციას. 16 ივნისის აქცია რას ემსახურება? 20 ივნისის აქციის ჩაშლას თუ სხვა მიზანი აქვს პრეზიდენტს?
– სალომე ზურაბიშვილს არც დაუმალავს, რომ 20 ივნისის აქციის გამართვას არ მიესალმება. მოუწოდა კიდეც ამ აქციის ორგანიზატორებს, იქნებ თავი შეიკავოთ აქციის გამართვისგან, რადგან 23-24 ივნისს გადაწყვეტილებაა მისაღები და 16 ივნისს შევიკრიბოთო. გარკვეულწილად, პრეზიდენტს რაღაც ინიციატივის აღება უნდა, უფრო კონსტრუქციულად უნდა წარმართოს პროცესები. 20 ივნისის აქციაზე რაღაც დესტრუქციული რომ მოხდეს, რაღაც არეულობა და დაპირისპირება, არ გამორიცხავს ზურაბიშვილი და ამიტომ ხელისუფლებას არ ენდობა. თან, 20 ივნისს, შეიძლება ასე ითქვას, ევროკავშირის მოწინააღმდეგეთა კონტრ-აქციაა დანიშნული და ეს ამ ორი აქციის მონაწილეთა დაპირისპირების საფრთხეს ზრდის. ზურაბიშვილი ცდილობს, დაბალანსებული პოლიტიკა აწარმოოს და ამ მნიშვნელოვან ეტაპზე, ქვეყანას დაპირისპირება აარიდოს. მინიმუმ, რაც მის ხელთ არის, ის საშუალებები გამოიყენოს, რომ ეს არ მოხდეს.
კომენტარები