თბილისში ბარ Bauhaus-ის ორ დაკარგულ თანამშრომელს ეძებენ. მათი ინფორმაციით, გიორგი შალამბერიძე და ბაია ბერუაშვილი ბარიდან ღამის 5 საათზე, ჩანთების გარეშე გავიდნენ.
“ჩვენი თანამშრომლები არიან. გუშინ ღამე 5-ზე წავიდნენ “ბაუჰაუსიდან” და ამ დრომდე არ ჩანან და ვეძებთ ჩვენც და პოლიციაც”, – წერს Bauhaus-ი.
ახალგაზრდების ბოლო ადგილსამყოფელი, რომლის შესახებაც მეგობრებმა იციან იუსტიციის სახლის მიმართულებით, ვერცხლის ქუჩაა.
“არ გამოჩნდნენ. ვეძებთ ოჯახები და პოლიცია. მკვდრები ვართ უკვე. აღარ შეგვიძლია. ორი წუთით გავიდნენ ბარიდან ჩანთების გარეშე და არსად ჩანან”, – წერენ სოციალურ ქსელში დაკარგულების ახლობლები.
ბარ „ბაუჰაუსის“ 2 გაუჩინარებული თანამშრომლის ადგილსამყოფელის დასადგენად ინტენსიური სამძებრო ღონისძიებები მიმდინარეობს, – ამის შესახებ „პრაიმტაიმს“ შინაგან საქმეთა სამინისტროში განუცხადეს.
„ბაუჰაუს“ ბარიდან 2 ახალგაზრდის გაუჩინარების შესახებ შეტყობინება პოლიციაში გუშინ, 15 აგვისტოს დაახლოებით 21:00საათზე შემოვიდა. პოლიციის მხრიდან მოხდა მყისიერი რეაგირება და ახალგაზრდების ადგილსამყოფელის დადგენის მიზნით, ინტენსიურ რეჟიმში დაიწყო შესაბამისი საძიებო ღონისძიებები“, – აცხადებენ შსს-ში.
კომენტარები