საბურთალოს ოლქის მაჟორიტარობის კანდიდატმა ალექსანდრე ელისაშვილმა საარჩევნო ბანერზე საარჩევნო ნომრის ნაცვლად საკუთარი ტელეფონის ნომერი გამოაქვეყნა.
„ცესკომ ნომერი არ გვაღირსა და აბა უნომრო ბანერს ხომ არ დავკიდებდით. ასე რომ გისმენთ! 593 584052“, – აცხადებს ელისაშვილი.
ცენტრალურ საარჩევნო კომისიაში კი აცხადებენ, რომ წილისყრით რიგითი ნომრების მინიჭებისთვის ბოლო ვადა 1-ლი ოქტომბერია.
„ადმინისტრაცია მაქსიმალურად შეეცდება, რომ უკიდურესი ვადა არ იყოს გამოყენებული და საკანონმდებლო შესაძლებლობა რასაც იძლევა, ის ვადები რაც არის მოცემული, აი იმ ვადებში ჩატარდეს“, – განაცხადა ანა მიქელაძემ.
როგორ ჩანს, პარტიების ნაწილს წინასაარჩევნო კამპანიისთვის მხოლოდ ერთი თვე ექნებათ…
ალეკო კი სოციალურ ქსელში წერს:
“ბოდიში ვისაც დაკავებას გაძლევთ. არ ჩერდება ტელეფონი და არც უნდა გაჩერდეს! უკეთესი უბნისთვის, ქალაქისთვის, ქვეყნისთვის – ყველას ყოველთვის მოვუსმენ. 24/7-ზე. ალეკო გისმენთ! 593 584052
კომენტარები