“აქციის მონაწილეთა ნებისმიერი მოქმედება ლეგიტიმურია, რაც უფრო შორს წავა ბრძოლა, ქვეყნისთვის უკეთესი”– ბექა კობახიძე

ამაზე არ გაჩერდებიან. შეხედეთ ბელარუსს, შეხედეთ რუსეთს, სადაც ზუსტად ასე დაიწყო განსხვავებული აზრის დევნა, და მიხვდებით სად მივყავართ. ყველას ინდივიდუალურად მოგვაკითხავენ, ვინც საქართველოში ვაპირებთ ცხოვრებას. გვაიძულებენ წავიდეთ ქვეყნიდან ან თბილად ჩავჯდეთ ჭაობში.

ავტორიტარულ რეჟიმებზე დაწერილი ყველა წიგნის ანა-ბანაა: რეჟიმისთვის აუცილებელია ის აკონტროლებდეს თქვენი მომავლის პერსპექტივებს. მიმოიხედეთ გარშემო, უმრავლესობა ის ხალხია, ვისი მომავლის განადგურება იოლად შეუძლიათ. გაუშვებენ სამსახურიდან, შეუწყვეტენ დახმარებას, ჩახსნიან ტენდერიდან, შეუგზავნიან საგადასახადო ინსპექციას და ასე შემდეგ. დღეს რომ პოლიციელი თავში კეტს გირტყამთ და თქვენ ეუბნებით, რომ დადგეს ხალხის მხარეს, მისთვის ეს იმას ნიშნავს რომ გამოუშვებენ სამსახურიდან და ოჯახის სარჩენად მოუწევს მექსიკის საზღვარზე წასვლა.

სამოქალაქო საზოგადოებას სასუნთქად და საარსებოდ დასავლეთელი მეგობრების დახმარებაღა ჰქონდა დარჩენილი. ახლა ესეც უნდა მოკლან და სრული მონოპოლია გაიფორმონ, როგორც ეს რუსეთშია და ბელარუსში.

ყველაფერი ამის გათვალისწინებით, დღეს აქციის მონაწილეთა ნებისმიერი მოქმედება და გადაწყვეტილება ლეგიტიმურია. რაც უფრო შორს წავა ბრძოლა, ქვეყნისთვის უკეთესი.

გაუმარჯოს ჩვენს ქვეყანას!”