“აპლიკაცია შევავსე სუპერმარკეტში სამუშაოდ… ამის არ მრცხვენია” – გიორგი მეგრელიშვილი

მსახიობმა და რეჟისორმა გიორგი მეგრელიშვილმა მწვანე ბარათი მოიგო და აშშ-ში გაემგზავრა. მისი ოჯახი იქ თებერვალში ჩავა.

როგორც თავად ჟურნალ „თბილისელებთან“ ამბობს, მისი საბოლოო მიზანი კინოინდუსტრიაში დამკვიდრებაა, თუმცა ახლა, როგორც ემიგრანტმა, სამსახური უნდა დაიწყოს:

„ეს ჩვეულებრივი მომენტია, შემოსავლის წყარო უნდა გავიჩინო. ეს მომენტი აქ ჩამოსულმა ყველა ემიგრანტმა უნდა გადალახოს და ამისთვის მზად ვარ. ახლა შევავსე აპლიკაცია სუპერმარკეტში მუშაობის დასაწყებად. ვნახოთ. ამის არც მრცხვენია და არც მერიდება. გასავლელი ეტაპია, თუმცა პერსპექტივაში სხვა რამ მინდა, ის, რაც ჩემი პროფესიაა. აქ ამ პროფესიით ისეთი აქტიური რომ ვიყო, როგორიც საქართველოში ვარ, დამიჯერეთ, ძალიან მაგრად ვიქნებოდი ფინანსურ დონეზე…“