კასპი მოღვაწე მღვდელი, მამა ლევან ჯიქური:
“ვინმე მატყუარაზე როა ლაპარაკი, იციანხოლმე თქმა “სოფლის ჭორიკანა დედაბერივითაოო”. 12 სოფელში მიწევს მსახურება, იქ სად არიან ეგეთი დედაბრები, რაც თქვენ ხართ ზოგიერთო ჟურნალისტო, თუ სამოქალაქო აქტივისტო. რუსეთის მომხრეს მეძახით იმიტომ, რომ ოჯახმა პაპის სახლი, კონსერვატიულ მოძრაობას მივაქირავეთ. მოვიდნენ უცხო ადამიანები, გაგვეცნენ აფხაზეთში და აგვისტოს ომში ნაბრძოლები ვართ, ოფისი გვინდა პარტიისთვისო. ჩვენ პარტიულები არ ვყოფილვართ და არც ვაპირებთ, ვიღაცისთვის რომ უარი გვეთქვა და ვიღაცისთვის თანხმობა, მაშინ გავერეოდით მაგ საქმეში. ნამგალი და ურო არ ეხატათ და რუსეთი არ უდიდებიათ და მე რავიცი რა არჩევანი აქვთ? თუ მათი ქმედებები, ქვეყნისთვის საზიანოა, ეგ სახელმწიფომ უნდა გაარკვიოს და აღკვეთოს და არა ჩვენ.
ჩვენ სახლს იქირავებენ, თუ სხვისას მაგას რა მნიშვნელობა აქვს? ტევე პირველო ჩვენ რუსეთის ისეთივე მომხრეები ვართ, როგორც 4 კაციანი კოვიდიანი მონასტერი, ოცდაორიანი რომ გაგვიხადეთ და მერე ბოდიშები მიხადეთ. ერისკაცობაში არ მჭერია არცერთი პარტიის დროშა და ეხლა კაცო. თქვენი სახლები აჩვენეთ და ისაც თქვით საიდან ამდენი ქონება, ამ გაჭირვებულ ქვეყანაში. და მერე ჩემ სახლში მოდით, 6 ადამიანი, ორ პატარა, გაურემონტებელ ოთახში რომ ვართ, იმიტომ რომ მეტს ვერ ვათბობთ.
კასპში მცხოვრებო ჭორიკანებო, რატო იმისთვის არ მოიწვიეთ ტელევიზია და არ გააკეთებინეთ გადაცემა, ქალაქს თუ ამდენ სოფლებს რომ ვემსახურები, მათ შორის შვიდი ე.წ საზღვრის პირაა და ჯვრისწერაში თუ წესის აგებაში, არავისთვის ჯერ 1 ლარი რომ არ მითხოვია? რატო არ მიხვედით კასპის ნებისმიერ შეჭირვებულ ოჯახში, ლტოლვილთა დასახლებაში და არ კითხეთ მიუღიათ თუ არა ჩემგან რაიმე სახის დახმარება? ჩემ ტაძარში უკრაინისთვის რომ შესაწირი ყუთი რომ დგას, ეგ ვერ გაიგეთ ხო? ყოველ კვირა რომ მშივრებს ვაჭმევთ არც ეგ მოსულა თქვენამდე? მეოთხე მიტოვებულ ტაძარს რომ ვხსნი წელს, რატო მაგას არ აჩვენებთ? ან 2020 წელში რატო არ დაუძახეთ ჟურნალისტებს, მთელი საგანგებო მდგომარეობა, რომელიც თვეები გააგრძელდა, 170 ადამინს, ყოველდღე პურს და საკვებს რომ ვურიგებდი, იმ ვირუსებში, ზოგს რომ ფანჯარაში გახედვის გეშინოდათ? ვერ ატყობთ რომ ეკლესის სიძულვილმა, გონება ისე დაგიბნელათ, რომ ჭორითკანობის, ცილისწამების და უმადურობის მეტი აღარაფერი გამოდის თქვენგან? იმის გამო რომ აღარაფერი მომიგონოთ, მაინც არ ვაპირებ თქვენსავით ცხოვრებას, ქვა რომ არ გადაგიბრუნებით ქვეყნისთვის და რომ კვდებით კი არ ტირიან, კითხულობენ, უი ეგ კიდე ცოცხალი იყოვო?”
ეკლესია რუსულ პროპაგანდაში – კასპში სასულიერო პირმა “ალტ ინფოს” ოფისი მიაქირავა
კომენტარები