“აპატიეთ პატიმრებს, რამდენიმე თვე მაინც აპატიეთ, სანამ ჯერ კიდევ გარეთ ვინმე ელოდებათ! ომია, ომი და ომში ომის სამართალი მოქმედებს!” – ნათია ჩხეტიანი

ადვოკატი, ნათია ჩხეტიანი:

“საახალწლოდ პარლამენტში არ იქნება წარდგენილი ამნისტიის კანონპროექტი, რომელიც პანდემიის საფუძვლით შეეხება მცირე დოზით მაინც ყველა კატეგორიის დანაშაულზე მსჯავრდებულს, კიდევ დააიგნორებთ პატიმრებს და მათ ოჯახებს, ხალხის რისხვას ვერ დაემალებით ვერსად.

რით ვერ დაიმსახურა უკიდურესად მძიმე მდგომარეობაში მყოფმა ხალხმა, რომ 6 თვით მაინც შეუმციროთ სასჯელი პატიმრებს.

სიჩუმე, რომ თითქმის ორი წელის მანძილზე შეზღუდული ჰქონდათ ყველა უფლება, სიჩუმე რომ მესამედ დაარტყა კორონამ ციხეებს და ნახევარზე მეტი კამერებისა ჩაკეტილია ნახევრად ღია დაწესებულებებში დღემდე, სიჩუმეში იხრჩვება ხალხი უსამართლობის განცდით პირამდე სავსე.

რატომ ხართ ხელისუფლებაში, მარტო საკუთარი კეთილდღეობისთვის? აღარ დარჩა საქართველოში ადამიანი, ვინც ბედნიერია.

როგორ შეიძლება იყო ბედნიერი, სადაც დღეში 80 ქართველი კვდება, ამათგან ნაცნობი, ახლობელი რამდენია…

და ასეთ მდგომარეობაში მყოფ ერს, რომ ჯინში უდგახართ, ფიქრობთ ეს სანამდე მიიყვანს ქვეყანას?

აპატიეთ პატიმრებს, ბოლოსდაბოლოს რამდენიმე თვე მაინც აპატიეთ, სანამ ჯერ კიდევ გარეთ ვინმე ელოდებათ!

ნაძვის ხეც კარგია და ახალი წელიც, მაგრამ უბედურ ადამიანს ნაძვის ხე გაახარებს?

გიფიქრიათ ამაზე?

მიცვალებულებს ვერ გააცოცხლებთ, მაგრამ ომში ცოცხლად გადარჩენილები რითაც შეგიძლიათ იმით მაინც გააბედნიერეთ.

ომია, ომი და ომში ხომ სხვა წესები, ომის სამართალი მოქმედებს!

ომში სისასტიკე უპატიებელია!”