“ანტიამერიკული ხელისუფლება” – “სასწრაფოდ გამოსასწორებელი ამბავია…” – იაგო ხვიჩია

, პარტია „გირჩის“ ერთ-ერთი ლიდერი იაგო ხვიჩია საქართველოს პრემიერ-მინისტრის, ირაკლი ღარიბაშვილის დღევანდელ განცხადებას გამოეხმაურა:

„ზოგადად, ძალიან ცუდი მოსასმენია, როდესაც „ქართული ოცნება“ ამერიკის შეერთებულ შტატებს, კელი დეგნანს, აშშ-ის ადმინისტრაციას აკრიტიკებს ისე, თითქოს ისინი „ნაცები“ იყვნენ და ამბობენ, 2012 წლამდე რას შვრებოდით და ასე შემდეგ. ეს არის ძალიან სერიოზული და სასწრაფოდ გამოსასწორებელი ამბავი, თუ რა თქმა უნდა, „ქართულ ოცნებას“ გააჩნია ასეთი პოლიტიკური ნება. თუ არადა, უნდა გვესმოდეს, რომ არჩევნებზე უნდა გავიდეთ ანტიამერიკული ხელისუფლების წინააღმდეგ და ყველაფერი გავაკეთოთ, რომ 43 პროცენტი ვერ აიღონ”

პრემიერ-მინისტრმა დღეს განაცხადა, რომ 2012 წლამდე სასამართლო იყო პროკურატურის დანაყოფი და აღნიშნა: „სამწუხაროდ, არასოდეს მომისმენია არც ამერიკის, არც ევროპის კრიტიკული შენიშვნა იმდროინდელი სასამართლოს მიმართ, რაც სამწუხაროა და არ არის სამართლიანი“.