ნარკოლოგი ზურა სიხარულიძე:
,,ზიანის შემცირება ნიშნავს ადამიანის სიცოცხლის გადარჩენას მაშინაც კი, როცა ის ჯერ ვერ ან არ წყვეტს ნარკოტიკის მოხმარებას. ეს არის მეცნიერებაზე დაფუძნებული მიდგომა — ნაკლები სიკვდილი, ნაკლები ინფექცია, ნაკლები ზედოზირება და მეტი შანსი მკურნალობისა და საზოგადოებაში დაბრუნებისთვის.
რატომ თქვა დღევანდელმა რეჟიმმა ამაზე უარი?
იმიტომ, რომ მათთვის უფრო მნიშვნელოვანია დასჯა და კონტროლი, ვიდრე ადამიანის სიცოცხლე. ზიანის შემცირების სისტემის დაშლა პრობლემას არ აგვარებს — ის უბრალოდ ადამიანებს ქუჩაში ტოვებს და ზრდის სიკვდილისა და მძიმე გართულებების რისკს.
ყველაზე საშიში კი ის არის, რომ რეჟიმის წარმომადგენლები ზიანის შემცირებას „ლეგალურ ნარკომანიას“ უწოდებენ. ეს არის სტიგმაზე, შიშსა და დეზინფორმაციაზე აგებული ნარატივი, რომლის მიზანიც ზიანის შემცირების იდეის დისკრედიტაციაა.
ზიანის შემცირება არ ნიშნავს ნარკოტიკის მოხმარების წახალისებას და არც დამოკიდებულების ნორმალიზებას. ის იწყება მარტივი რეალობის აღიარებით: ადამიანები ნარკოტიკებს მოიხმარენ და მხოლოდ დასჯა ამ პრობლემას ვერ აგვარებს.
ამიტომ არჩევანი მარტივია: ან ვცდილობთ ადამიანების გადარჩენას და ვაძლევთ მათ მკურნალობის შანსს, ან ვტოვებთ მათ ზედოზირების, ინფექციების, მძიმე გართულებებისა და სიკვდილის რისკის წინაშე.
როდესაც სახელმწიფო მეცნიერებაზე, პრევენციასა და ადამიანის სიცოცხლეზე ამბობს უარს, ის პრობლემას კი არ აგვარებს — თავად ხდება ამ პრობლემის ნაწილი.
დროა შევცვალოთ რეჟიმი და შევცვალოთ ნარკოპოლიტიკა — რეპრესიის ნაცვლად მეცნიერებაზე, ადამიანის უფლებებსა და ადამიანის სიცოცხლეზე დაფუძნებული პოლიტიკით.“
კომენტარები