ოპოზიციური ალიანსის ერთ–ერთი ლიდერი, ნიკა გვარამია, სოციალურ ქსელში, წერს:
გრიგოლ გეგელიას უთქვამს ტვ პირველზე, ამერიკა იმედგაცრუებულია ბოიკოტის პოლიტიკითო.
მარტივად რომ ვთქვათ: ან გრიგოლ გეგელია სხვა ამერიკელებს შეხვდა, ან გრიგოლ გეგელია იტყუება.მსგავსი არაფერი ამერიკელებს არ უთქვამთ და არც შეიძლება ეთქვათ: ისინი ჩვენი მენტორები არ არიან, რომ დაგვტუქსონ და არც ჩვენ ვართ მათი შეგირდები, რომ ჭკუის დარიგებებს ვისმენდეთ თავდახრილები. როგორც შარლ მიშელი არ იყო არავის მენტორი, იმათ გარდა, ვისაც ერთი სული ჰქონდა პლედი ამოეკეცა ფეხებქვეშ საპარლამენტო სავარძელში და შარლ მიშელს იშველიებდნენ ამის მიზეზად.
რატომ შეიძლება გრიგოლი იტყუებოდეს? – იმიტომ, რომ პარლამენტში დაბრუნების სურვილი ან/და მისი პარტიის ლიდერების პოლიტიკური დევნის დასრულების ფუჭი იმედი შეიძლება ქონდეს. ოღონდ, ტყუილთან ერთად, ეს უკვე სისულელეცაა: ქოცებთან დალაგების იმდენი შემთხვევა გვახსოვს ერთდროულად ციხით და პოლიტიკური გასასიზღრებით დასრულებული, მეტი რომ არ შეიძლება.
კომენტარები