“ამომრჩეველს არ ვეტყვით, რომ რომელიმე კანდიდატს დაუჭირონ მხარი” – გახარია

პარტია “საქართველოსთვის” ლიდერი, გიორგი გახარია:

“რეალობა შემდეგია – ბოლო 18 წლის განმავლობაში, შეიქმნა ბერკეტი, რომლითაც შეგვიძლია დავამარცხოთ ორპარტიულობა. საკრებულოს დონეზე ვიქნებით წარმოდგენილი და გავაგრძელებთ ბრძოლას.

ჩვენ მოქალაქეებს მინდა ვუთხრა, მიუხედავად ყველაფრისა, ვიღაცა ზეიმობს, ვიღაცას ჰგონია, დიდი მოვლენა შექმნა – ჩვენ შევქმენით მთავარი ბერკეტი, ვიწყებთ ორპარტიულობის წინააღმდეგ ბრძოლა.

იმისდა მიუხედავად, ვისი მხარდამჭერია, თითოულ მოქალაქეს მოვუწოდებ, მოდით ჩვენთან, გავერთიანდეთ, ერთად ავაშენოთ სახელმწიფო და არც ერთ ძალას მივცეთ საშუალება, მოახდინონ ხელისუფლების კონცენტრაცია და დაამყარონ ერთპიროვნული მმართელობა. ეს არის ჩვენი ძირითადი მიზანი.

როცა ამომრჩეველმა ჩვენ დაგვიჭირა მხარი, ამით თქვა, რომ ის არის მომხრე ძალაუფლების დაბალანსების, ჩვენ მათ არ და ვერ ვეტყვით, არ მივაყენებთ შეურაცხყოფას, რომ ვუთხრათ, რომელიმე მათგანს დავუჭიროთ მხარი. ის, რომ მათ ჩვენ დაგვიჭირა მხარი, ნიშნავს იმას, რომ მათ უარი უთხრეს რადიკალიზაციას და ამ ორ რადიკალურ ძალას.”