დეპუტატი, სალომე სამადაშვილი:
“უმძიმესი ტრაგედიაა, რაც ქაბულში ხდება. მახსენდება ლიბიელი აქტივისტი ქალები, რომლებთანაც ვმუშაობდი…მათი სიკვდილით დასჯის შესახებ რამდენიმე კვირის ინტერვალებით მოდიოდა ცნობა, მას შემდეგ, რაც დასავლეთმა ქვეყანა დატოვა. ყველაზე მძიმე ბედი ისევ ქალებს ელოდება… რაც შეეხება შედარებებს ჩვენს რეალობასთან-ერთი რამ ცხადია, თუ ყველა რესურსი ამოწურულად ითვლება სტრატეგიული ამოცანის განსახორციელებლად, დასავლეთიც იძულებული ხდება გადახედოს ამოცანებს. საქართველოში დასავლეთის სტრატეგიული ამოცანა დემოკრატიული მმართველობაა. ხელისუფლება ყველაფერს აკეთებს იმისთვის, რომ დაარწმუნოს ის ხალხი, ვისაც ‘პარტნიორებს’ ეძახის, ცინიკურად, რომ ეს სტრატეგიულად შეუსრულებელი ამოცანაა – ამიტომ დახიეს მიშელის დოკუმენტი. შესაბამისად, ჩვენზე-თითოეულ მოქალაქეზეა დღეს დამოკიდებული მათი დარწმუნება საპირისპიროში. სტრატეგიული ამოცანების გადახედვა რომ არ მოხდეს…თალიბანის არა, მაგრამ რუსეთის კლანჭებში არ აღმოვჩნდეთ, კიდევ დიდი ხნით…”
შეგახსენებთ, რომ თალიბანის მებრძოლები ავღანეთის დედაქალაქ ქაბულში შევიდნენ. ქვეყანა დატოვა ავღანეთის პრეზიდენტმა აშრაფ ღანიმ, რომელიც ტაჯიკეთის მიმართულებით გაფრინდა. თალიბანმა ავღანეთში შესვლის შემდეგ განაცხადა, რომ ომი დასრულებულია და ისინი მოსახლეობას საფრთხეს არ შეუქმნიან.
კომენტარები