თბილისის საქალაქო სასამართლოს მიერ ლევან ზურაბიშვილისათვის 7 წლიანი სასჯელის შეფარდებას სოციალურ ქსელში ეხმაურება ანალიტიკოსი გია ნოდია.
ნოდია ამბობს, რომ წერეთლის გამზირზე მდებარე მიკროსაფინანსო ორგანიზაცია „ემ–ბი-სის“ ოფისში შეჭრილი ზურაბიშვილის არც ლოზუნგებს იზიარებს და არც გამოხატვის ფორმას, თუმცა მისთვის შვიდწლიანი სასჯელის შეფარდება არასწორად მიაჩნია.
„ლევან ზურაბაშვილისთვის, რომელიც 2020 წლის ნოემბერში ბანკში სათამაშო ხელყუმბარით შევარდნილა, მძევლები აუყვანია და, როგორც ბოლოს აღმოჩნდა, ეს ყველაფერი რაღაც მემარცხენე ლოზუნგების გასაჟღერებლად გააკეთა, დღეს შვიდი წელი მიუსჯიათ.
არც მის ლოზუნგებს ვიზიარებ და არც მათი გამოხატვის ინფანტილური ფორმა აქცევს ამ ადამიანს ჩემს თვალში გმირად.
ვთვლი, რომ ასეთი საქციელი კანონით უნდა ისჯებოდეს. მაგრამ ამისთვის შვიდი წლით ჩასმა ამ სახელმწიფოს მორიგი უკიდეგანო ვირობაა,“- წერს გია ნოდია.
ცნობისათვის, “ზურაბაშვილი სათამაშო ხელყუმბარით თბილისში წერეთლის გამზირზე მდებარე მიკროსაფინანსო ორგანიზაცია „ემ–ბი-სის“ ოფისში 2020 წლის 20 ნოემბერს შეიჭრა და რამდენიმე ადამიანი მძევლად აიყვანა. მისი მიზანი პოლიტიკური მოთხოვნების გაჟღერება იყო, შეჭრის შედეგად არავინ დაშავებულა.
კომენტარები