,,ამის მოსმენა არც ,,ოცნებას” სიამოვნებს, არც ,,ნაცმოძრაობას” და არც სამარცხვინო მედიის წარმომადგენლებს” – გიორგი არჩემაშვილი

გიორგი არჩემაშვილი – ჟურნალისტი, პოეტი:

,,ასზე მეტი ქუჩაში უმოწყალოდ დახვრეტილი უდანაშაულო ახალგაზრდა, ათასობით წამებით სიკვდილის პირას მიყვანილი პატიმარი, რომელთა ნაწილი დღემდე ინვალიდია, საპროტესტო აქციების დროს უმოწყალოდ ნაცემი ათი ათასობით მოქალაქე – აი, ამ რეჟიმის შემქმნელები, დღეს სხვადასხვა პარტიების სახელით მოქმედი ე.წ. პოლიტიკოსები, სინამდვილეში სააკაშვილის ჯალათები, სექსუალურ უმცირესობებს ეფარებიან და გაიძახიან: ,,არა ძალადობას”!..

,,არა ძალადობას”-ს შეძახილით გამოდიან ის მედიასაშუალებებიც, რომლებსაც ერთხელაც არ გაუპროტესტებიათ, ერთხელაც არ გაუშუქებიათ პატიმრების წამების შემზარავი ფაქტები და მხოლოდ სააკაშვილის სადისტური რეჟიმის გამართლებით იყვნენ დაკავებულნი.

პრესაში, ჩემი ჟურნალისტური მოღვაწეობის წლებში, როდესაც მე ამ საშინელებებზე დაუფარავად ვწერდი და გაზეთის ფურცლებიდან მათ პირდაპირ ვუწოდებდი ჯალათებს, სადისტებს, დღევანდელი ,,ოცნების” ლიდერები: კობახიძე, მდინარაძე, თალაკვაძე და ა.შ. იდეალურად გრძნობდნენ თავს ,,ნაციონალების” მმართველობის პირობებში. მეტიც, მაშინ დაიწყეს კარიერული აღმასვლა და არასოდეს გაუპროტესტებიათ სააკაშვილის, ბოკერიას, მერაბიშვილის, ადეიშვილის, უგულავას და სხვათა ძალისხმევით შექმნილი არაადამიანური რეჟიმი. კიდევ უფრო სამარცხვინო ის გახლდათ, რომ 2007 წლის 7 ნოემბერს ქუჩაში მასობრივი ხოცვა-ჟლეტის მომწყობ ხელისუფლებას, დღეს ბევრისთვის საამაყო მერი, კახი კალაძე ნამოქმედარს უწონებდა და გვერდით ედგა.

უფრო შორს წავიდეთ: ჩემს თაობას კარგად ახსოვს შევარდნაძის მმართველობის პერიოდი, ყველგან, ყველა სფეროში გაბატონებული კორუფცია, სრული ქაოსი, სიბნელე, შიმშილი, ძარცვა-გლეჯა და ათასი უბედურება. ამას მოჰყვა სააკაშვილის მართლაც სისხლიანი ცხრა წელი… და სად იყო ამ დროს, მთელი 18 წლის განმავლობაში ,,ოცნების” ლიდერი, ბიძინა ივანიშვილი?

ვიდრე იმ ტანსაცმლიანმა გიჟმა, სამარცხვინო არსებამ, მიხეილ სააკაშვილმა ყველაფრის წართმევა არ დაუპირა, ერთხელაც არ გამოუთქვამს პროტესტი ამ საცოდავ ქვეყანაში მიმდინარე საშინელი პროცესების გამო. როგორც კი მიხვდა, რომ საფრთხე უკვე მისთვის უმნიშვნელოს, ქვეყანასა და ხალხს კი აღარ ემუქრებოდა, არამედ მის პირად საკუთრებას, მაშინ გამოვიდა ასპარეზზე.

ეს არის ის მწარე სიმართლე, რომლის მოსმენა არც ,,ოცნების” ლიდერებს სიამოვნებთ, არც ,,ნაცმოძრაობის” შემქმნელებს და არც იმ სამარცხვინო მედიის წარმომადგენლებს, რომლებიც დღეს ერთხმად გაიძახიან: ,,არა ძალადობას”!..

სწორედ მათ მიერ შექმნილმა რეჟიმებმა მოუღო ბოლო ქართველ ერს, ქართულ სახელმწიფოს, სწორედ მათ გამოა, რომ დღეს ქვეყანაში უამრავი ადამიანი სიღატაკის ზღვარს ქვემოთ ცხოვრობს, სახელმწიფოს მრავალმილიარდიანი საგარეო ვალი აქვს, ქართული მიწები უცხოელებზე იყიდება, საკუთარ ქვეყანაში საღად მოაზროვნე ადამიანები დევნილებად და უუფლებოებად იქცნენ…

ხვდებით მაინც, ვის უდგეხართ გვერდით? თითოეული მათგანი რეალურად თქვენი, თქვენი შვილების, ქვეყნის მტერია და არაფერზე დაიხევს უკან, რომ პირადი თუ პარტიული ინტერესები დაიკმაყოფილოს.

,,არა ძალადობას” – კი არა, ერთიანად გასატანები ხართ ამ ქვეყნიდან სამარცხვინო მედიაც და თაღლითი პოლიტიკოსებიც… ერთიანად გასატანები ხართ იმ სამარცხვინო გეი-აღლუმებისა და გარყვნილების პროპაგანდის მხარდამჭერები…

და კიდევ ერთი: ვგულისხმობ სხვადასხვა პარტიების აქტივისტებს, სხვადასხვა ხედვის ადამიანებს, ვისაც ეს მწარე სიმართლე გულზე მოგხვდებათ, გთხოვთ წყნარად დატოვოთ ჩემი გვერდი და არც შეეცადოთ ჩემს მიერ ნახსენები მართლა უღირსი არსებების დაცვას…

მე არ ვარ თქვენი მტერი…”