სამართლის დოქტორი, შავი ზღვის საერთაშორისო უნივერსიტეტის ასოცირებული პროფესორი, ზურაბ ჯიბღაშვილი:
“ორი დღეა აქტიურად ვრცელდება ინფორმაცია, სამცხე-ჯავახეთში ადგილობრივ ოპოზიციურად განწყობილ სომხურ მოსახლეობას მოქალქეობის ჩამორთმევით ემუქრებიანო. ეს მართლა აუცილებლად უნდა იქნას გამოძიებული!
საქართველოს მოქალაქეობის ჩამორთმევა კონსტიტუციით აკრძალული რომ არის, გასაგებია ეს რომ ადგილობრივმა სუსელებმა და პოლიციელმა „ვაჟკაცებმა “არ იციან. მაგრამ მათ ვინც ეს დაავალა, ისინი არიან ამ ყველაფრის შესაძლო შედეგებზე პასუხისმგებელი? ის რეგიონი ისედაც სავსეა საქართველოს მოქალაქეობის არმქონე და ქართული ენის არმცოდნე სომხურენოვანი მოსახლეობით. იმ ხალხმა რომ იფეთქოს საქართველოში რეალიზაციის და ჩართულობის საშუალებას არ გავძლევენო, მერე ვითომდა პოლიტიკური მიზანშეწონილობით ამ საზიზღრობის დამგეგმავები სად მიდიან?
ამის დამგეგმავებმა ხომ კარგად იციან, სომხეთის სამხედრო მფარველი რომ რუსეთია, ისიც ხომ კარგად ესმით, ამას აზერბაიჯანთან კონფლიქტისგან განსხვავებით ჩვენს წინააღმდეგ რუსეთი დიდი სიხარულით რომ გამოიყენებს?! ხოდა ამას შორს მიმავალი დიდი პროვოკაციის სუნი უდის. ესე ლაწირაკულად იწყებდნენ ცხინვალში და აფხაზეთში და მერე პირველი ეს „ვაჟკაცები“ ქრებოდნენ.
ამიტომ არის საჭირო გენერალური პროკურორის არჩევა ოპოზიციის ჩართულობითაც, მასთან ძალაუფლებისა და პასუხისმგებლობის გაზიარებაც, რომ მერე ამის დამგეგმავ-შემსრულებლები პასუხისგებაში რომ მიეცემიან, არავინ იძახოს, ეს პოლიტიკური რევანშიაო.”
კომენტარები