ამინდის პროგნოზი – ელჭექი, სეტყვა, ქარი – 19–22 ივნისი

მაგალითად, ნიუ–იორკში ცნობილ ცათამბჯენს, Empire State Building–ს, ელვა წელიწადში 25–ჯერ არტყამს. Empire State Building-ი არის 443 მეტრის სიმაღლის (ანტენის ჩათვლით) ლითონისა და ფოლადის გიგანტური ნაგებობა. ის მთელ მანჰეტენზე ერთ-ერთი ყველაზე მაღალი წერტილია.

ზოგადად, გაელვება ჩვეულებრივ წამზე ნაკლებ ხანს გრძელდება და რამდენიმე კილომეტრს მოიცავს, თუმცა არსებობს ე.წ. „მეგა-ელვები“.

მსოფლიო მეტეოროლოგიურმა ორგანიზაციამ დააფიქსირა რეკორდული ელვა, რომლის სიგრძეც 768 კილომეტრი იყო (აშშ-ში, 2020 წელს).

ეს ნიშნავს, რომ ერთმა ელვამ იმაზე დიდი მანძილი დაფარა, ვიდრე საქართველოა დასავლეთიდან აღმოსავლეთამდე!

საინტერესო ფაქტები სეტყვაზე

თუ სეტყვის დიდ მარცვალს შუაზე გავჭრით, ის ხახვს ჰგავს – დავინახავთ კონცენტრულ წრეებს (ფენებს). ამ ფენების დათვლით მეცნიერებს შეუძლიათ თქვან, რამდენჯერ ავიდა და ჩამოვიდა ეს კონკრეტული ყინული ღრუბელში.

სეტყვის ზემოთ-ქვემოთ ფრენა შეიძლება რამდენიმე ათეულჯერ განმეორდეს. სეტყვის მარცვალი მანამ ტრიალებს ცაში, სანამ იმდენად არ დამძიმდება, რომ ქარი მას ვეღარ აკავებს. სწორედ მაშინ სეტყვა მიწისკენ მოქრის.

მსოფლიოში ყველაზე დიდი ოფიციალურად რეგისტრირებული სეტყვის მარცვალი აშშ-ში (სამხრეთ დაკოტაში) ჩამოვარდა. მისი დიამეტრი 20 სანტიმეტრი იყო, ხოლო წონა – თითქმის 900 გრამი.

პატარა სეტყვა მიწაზე დაახლოებით 30-40 კმ/სთ სიჩქარით ეცემა, ხოლო დიდ, რეკორდულ მარცვლებს შეუძლიათ 160 კმ/სთ სიჩქარე განავითარონ. ეს მაგისტრალზე მავალი მანქანის სიჩქარეზე მეტია!