“ეს საზოგადოებამ უნდა იცოდეს” – მაჭარაშვილი აშშ–ის ფინანსურ დახმარებაზე

გურამ მაჭარაშვილი  აშშ-ს მიერ საქართველოს მთავრობისთვის 95 მილიონი დოლარის შეჩერების ფაქტს ეხმაურება და ამტკიცებს, რომ შტატები არა ქართველ ხალხს, არამედ “რადიკალებს” ეხმარება.

“გამოდის, რომ ქართველ ხალს უარს ეუბნება ამ დახმარებაზე. საიდანაც, საკითხავია ხალხს რა დახმარება ექნება და მათივე ენჯეოების ჯიბეში მიდის დიდი ნაწილი მაქედან, ეს საზოგადოებამ უნდა იცოდეს და თან მეგობრობას ეფიცება ერთის მხრივ და მეორეს მხრივ უარს არ ეუბნება და აფინანსებს იმ რადიკალურ ენჯეო სექტორს და რადიკალურ ოპოზიციას პრაქტიკულად, რომელიც აქ ურტყამს ქართულ სახელმწიფოს. რით ვერ გაიგეს, უცხოელებმა თუ ადგილობრივებმა, რომ ქართველი ხალხი მშვიდობას ომზე არ ცვლის არაფრის საფასურად“- განაცხადა  გურამ მაჭარაშვილმა. 

ცნობისთვის, ამერიკის შეერთებული შტატები საქართველოს ხელისუფლებას 95 მილიონზე მეტი დოლარის დახმარებას უჩერებს – ამის შესახებ აშშ-ის სახელმწიფო მდივნის, ენტონი ბლინკენის განცხადებაშია საუბარი.