ამერიკელმა ჟურნალისტმა ბოდიში მოუხადა ზელენსკის, რომლემაც წინა შეხვედრაზე ის პიჯაკის არ ჩაცმის გამო გააკრიტიკა

ოვალურ კაბინეტში, აშშ-ის პრეზიდენტ დონალდ ტრამპთან შეხვედრისას Real America’s Voice-ის რეპორტიორმა, ბრაიან გლენმა ვოლოდიმირ ზელენსკის ჩაცმულობა შეუქო და მას ბოდიშიც მოუხადა.

„ამ კოსტიუმში შესანიშნავად გამოიყურებით!“ — უთხრა რეპორტიორმა.

„მეც იგივე ვთქვი“, — აღნიშნა დონალდ ტრამპმა და ზელენსკის უთხრა, რომ ეს იგივე რეპორტიორია, რომელიც ადრე თავს დაესხა.

უკრაინის პრეზიდენტმა უპასუხა, რომ ახსოვდა.

— „ბოდიშს გიხდით, შესანიშნავად გამოიყურებით“, — მიმართა ჟურნალისტმა ზელენსკის.

— „მაგრამ შენ იგივე კოსტიუმი გაცვია. მე გამოვიცვალე, შენ არა“, — უთხრა ზელენსკიმ ბრაიან გლენს.