აშშ-ის წარმომადგენელთა პალატის საგარეო ურთიერთობათა კომიტეტის თავმჯდომარემ, ბრაიან მასტმა “რადიო თავისუფლებასთან” განაცხადა, რომ ტრამპის ადმინისტრაცია რუსეთის მოსაზღვრე ქვეყნებს ბუფერულ ზონად არ განიხილავს.
ამასთან, რესპუბლიკელი კონგრესმენი ამბობს, რომ სამყარო “ორ ბილიკად” გაიყო, სადაც ერთ მხარეს აშშ, NATO, ევროკავშირი და ისრაელია, ხოლო მეორე მხარეს – ჩინეთი და რუსეთი.
“არ შეიქმნება ისეთი სიტუაცია, სადაც რუსეთის მოსაზღვრე ქვეყნებს ბუფერულ ზონად განვიხილავთ, ისეთ სივრცედ, რომელსაც დავთმობთ ან შეველევით, არაფერი ამის მაგვარი… სამყარო ორ ბილიკად დაიყო და ამ ოთხი წლის ბოლოს ყველასთვის ცხადი გახდება… ძალიან მალე მიხვდებიან, რომ ამერიკის, NATO-ს, ევროკავშირისა და ისრაელის გზა ბევრად ძლიერია. რუსეთისა და ჩინეთის გზა? მალე აღარავის მოუნდება იმ ბილიკზე სიარული. ჩვენი გზა იქნება სწორი, ძლიერი – და ამას ყველა დაინახავს”, – განაცხადა მასტმა.
კომენტარები