დეპუტატი, სალომე სამადაშვილი, რომელიც დღეს პრეზიდენტს შეხვდა, “ტვ პირველთან” ამბობს:
“საკმაოდ ვრცელი საუბარი მქონდა პრეზიდენტთან საგარეო პოლიტიკური კთხით არსებულ გამოწვევებზე, ჩვენ ვხედავთ, რომ რუსეთს აქვს მწყობრი პოლიტიკა შემუშავებული, როგორ შეცვალოს გეოპოლიტიკური ვითარება ჩვენ რეგიონში. ამ გეოპოლიტიკურ გარემოში, რომელშიც ვართ, შიდა პოლიტიკური ვითარება არის განსაკუთრებული გამოწვევა და როდესაც ვამბობ, რომ საქართველოს პრეზიდენტს ესმის რამხელა საფრთრეების წინაშე ვართ, პირველ რიგში ეს შეეხება საგარეო პოლიტიკურ საფრთხეებს. თუმცა, ჩვენ როდესაც ვსაუბრობთ ქვეყნის შიგნით არსებულ ვითარებაზე, ეს არ არის განცალკევებული საგარეო დღის წესრიგიდან. ქვეყანამ რომელშიც ვერ ლაგდება დემოკრატიული პოლიტიკური პროცესი და საზოგადოება მიჰყავს ამას ღრმა პოლარიზებამდე, ეს თავისთავად აისახება საგარეო პოლიტიკურ დღის წესრიგზე. ეს ორი თემა არ არის ერთმანეთისგან გამიჯნული.
მე ასე გავიგე, რომ ის დღეს აწარმოებს შეხვედრებს სხვადასხვა ადამიანებთან, პოლიტიკური პარტიებთან, იმისთვის, რომ შედგეს დღის წესრიგი, რათა შეიქმნას მოლაპარაკებების პროცესის არქიტექტურა. არ მინდა, საზოგადოებას ჰქონდეს განცდა, რომ დღეს და ხვალ გაიმართება ინდივიდუალური შეხვედრები და ხვალ გარღვევას მივაღწევთ – არსებობს დიდი თემები, კონკრეტული საკიტთხები და ამ ყველაფრის ერთიან ჩარჩოში მოქცევაა საჭირო, იმისათვის რომ ჩვენ შევცვალოთ პოლიტიკური რეალობა ქვეყანაში, რაც თავისთავად აუცილებელია ჩვენი საგარეო პოლიტიკური საფრთხების გასანეიტრალებლად, მიუხედავად იმისა, თითოეულმა მოქალაქემ ვის მისცა ხმა არჩევნებზე. ყველა უკლებლივ საერთო გამოწვევის წინაშე დგას. ამაზე ნამდვილად ვთანხმდებით მე და პრეზიდენტი.”
კომენტარები