„ნაციონალური მოძრაობის“ წევრი, ყოფილი შს მინისტრი, გიორგი ბარამიძე, სოციალურ ქსელში წერს:
„როგორც ყოფილმა შსს მინისტრმა და უბრალოდ ადამიანმა, მინდა ვთქვა, რომ ამ წუთას როცა ტერორისტს ჯერ კიდევ მძევლები (4 ადამიანი) ყავს და მათი სიცოცხლე საფრთხეშია, ყველა ქმედება რომელიც მძევლების მშვიდობიანად გასათავისუფებლად კეთდება არის ყველაზე სწორი მორალურად და სამართლებრივადაც.
განსაკუთრებით მინდა აღვნიშნო, პოლიციელის მიერ მძევლების ჩანაცვლების ვაჟკაცური ფაქტი.
მინდა მას და კიდევ 3 მძევალს ამ ვითარებიდან ცოცხალი და ჯანმრთელი გამოსვლა ვუსურვო.
ჩემი ადამიანური ემოცია, სოლიდარობა მათ, მათ ოჯახებს და ასევე იმ პოლიციელებს (და მათ ოჯახებს) ვინც
ამ მომენტში აგრძელებენ კრიზისული, სიცოცხლისთვის სახიფათო, ვითარების მართვას და აკონტროლებენ ტერორისტ/ყაჩაღის მოქმედებას.
იმედია მალე მშვიდობიანად დამთავრდება ეს დრამატული მოვლენები და ამის შემდეგ დავსვათ შეკითხვები ეს საერთოდ როგორ მოხდა? რატომ დღეს? რატომ ოკუპაციის ხაზთან ასე ახლოს? რატომ იმ დღეს როცა ხელისუფლებასაც (ქუთაისში) და ნაციონალურ მოძრაობასაც იქვე ზუგდიდში, დიდი წინასაარჩევნო აქცია ქონდა? არის თუ არა რამე აქ ვინმეს მიერ დადგმული? და ვინ როგორ და რამდენად სწორად იმოქმედა?
ამეებზე შემდეგ ვიმსჯელოთ, ახლა ყველამ ვილოცოთ და ვისურვოთ ყველა ადამიანის გადარჩენა და ჯანმრთელად დარჩენა.
ცხადია იმედს გამოვთქვამ, რომ დამნაშავე და თუ ყავს ვინმე მხარდამჭერი, აუცილებლად კანონის ძალით დაისჯება.“
კომენტარები