“ამას მოყვება ვაქცინაციის გაუქმება! სასწრაფოდ უნდა შეწყდეს კოვიდპროპაგანდა მედიაში” – მანჯავიძე

საკრებულოს ყოფილი დეპუტატი, სოსო მანჯავიძე, “მწვანე პასპორტების” მოთხოვნის ვალდებულების გაუქმებას ეხმაურება და წერს:

“მიუხედავად ე.წ. ეპიდემიოლოგების წინააღმდეგობისა, საქართველოს მთავრობამ მიიღო გადაწყვეტილება მწვანე პასპორტების გაუქმების შესახებ, რაც ძალიან კარგია.

იმედია, ამას მოყვება შემდეგი ნაბიჯებიც, კერძოდ ე.წ. ომიკრონის შტამის პირობებში ყოველგვარი აზრისგან დაცლილი ვაქცინაციის და ტესტირების, ისევე როგორც ღია სივრცეებში პირბადის ტარების რეგულაციების გაუქმება.

სასწრაფოდ უნდა შეწყდეს არაკვალიფიციური და ანგაჟირებული კოვიდპროპაგანდა მედიაში და პასუხი გაეცეს კითხვებს ამ უმძიმესი პროცესის შესახებ, რომელიც ყველამ ერთად გავიარეთ.

საზოგადოებამ უნდა გამოიტანოს დასკვნები, რათა მსგავსი რამის განმეორება გამოირიცხოს.

დამნაშავეებმა პასუხი უნდა აგონ, ხოლო ზოგიერთ ჩვენს თანამემამულეს არ აწყენდა მიებაძა გივი სიხარულიძისათვის.”