“ამ თემაზე დიდი ომები გვქონდა. იქედანაც ყვიროდნენ და აქედანაც ყვირილით ვპასუხობდი” – ნანუკა ჟორჟოლიანი

ჟურნალისტი, ნანუკა ჟორჟოლიანი:

უკრაინაში დატოვო კარგი ცხოვრება, გავლენები, ჩამოხვიდე თბილისში და ჩაჯდე ივანიშვილის ციხეში მხოლოდ იმიტომ რომ იეჭვიანე?

მიშას ხასიათის ცოდნა არაა აუცილებელი ეს ვერსია აბსურდული მოგეჩვენოს.

მიშას პარტია მანამდე “ასჯერ” აახიეს და თუ არ ჩავთვლით ადამიანურ იმედგაცრუებებს, დიდად არ დარდობდა მაგ ამბავს, რადგან მიშასთვის ეგ პარტია თვითონ მიშაა.

მახსოვს როცა ჩამოვიდა და დააკავეს, რაღაც ეტაპზე მომწერა აქციების ორგანიზებაში ჩავრთულიყავი. პარტიის რესურსი დამჭირდა, როგორც ადამიანური, ისე ფინანსური.

პარტიის მაშინდელმა ლიდერმა და ლიდერებმა მითხრეს რომ მათი იმედი არ უნდა მქონოდა.

“მე ვუთხარი არ ჩამოსულიყო” ეს იყო პასუხი და თუ ვინმეს მართავდა ეგო, იმ ადამიანს ვინც ეს მიპასუხა თხოვნაზე, მიშას აქციების ორგანიზებაში დამხმარებოდა. ამ კინკლაობისთვის მოიცალა მაშინ როცა მიშა უკვე პატიმარი იყო.

ამ თემაზე დიდი ომები და გარჩევები გვქონდა. იქედანაც ყვიროდნენ და აქედანაც ყვირილით ვპასუხობდი.

უფრო მეტიც, პარტიის აქტივი ვითხოვე აქციაზე და ჩატში ჩაიწერა რომ არავინ დამხმარებოდა, ვინც დამეხმარა, მალე მოხსნეს იმ პოზიციიდან რომელსაც იკავებდა მაშინ.

ბუნებრივია მეტი დეტალის მოყოლა შემიძლია, მაგრამ კაცს კი არა, ქალსაც არ უხდება ჭორაობა. თან , როცა ადამიანი ივანიშვილის ტყვეა, მეტი მოფრთხილება სჭირდება.

თავისუფლება მიშას!
თავისუფლება ყველა პოლიტიკურ პატიმარს!
თავისუფლება სინდისის პატიმრებს!