„ამ სიცრუეში, სიყალბეში, ფარისევლობაში, ორმაგ სტანდარტებში საქართველოს ადგილი ნამდვილად არაა“ – დავით ქართველიშვილი

ტექსტი მეორე, მომზადებულია

“გაეროს ადამიანის უფლებების მონიტორინგის მისიის მიერ” 2021 წლის ივნისში – იმ გაეროსი, “ხალხის ძალის” კანონპროექტით რომ აღშფოთებულა. ტექსტი ეხება უკრაინას, იქ განვითარებულ მოვლენებს პოლიტიკური ოპონენტებისა და მედიასაშუალებების დევნის კუთხით

ამ ანგარიშიდან, რომელიც გაეროს მონიტორინგის მისიის კვლევებს ასახავს, ჩვენ ვიგებთ, რომ: “უკრაინის სამი ცენტრალური ოპოზიციური ტელეარხების «112 Украина», Zik და NewsOne დახურვა, ხოლო მათი ქონების დაყადაღება, უხეშად არღვევს ადამიანის უფლებების სფეროს განკუთვნილ საერთაშორისო სტანდარტებს. 2021 წლის 2 თებერვალს, უკრაინის პრეზიდენტის მიერ ხელმოწერილმა განკარგულებამ მოქმედებაში მოიყვანა უშიშროებისა და თავდაცვის საბჭოს გადაწყვეტილება, უკრაინის ოპოზიციის ლიდერის ტარას კოზაკის, მისი რვა კომპანიისა და სამი ტელეარხის მიმართ სანქციების დაწესების თაობაზე”.

“ეს გადაწყვეტილება ეწინააღმდეგება ადამიანის უფლებათა სფეროს განკუთვნილ საერთაშორისო სტანდარტებს და თავის დადასტურების ნაწილში, არღვევს აუცილებლობისა და პროპორციულობის ბალანს – მით უმეტეს, რომ იგი არ იყო მიღებული დამოუკიდებელი ორგანოს მიერ” – გვამცნობს დოკუმენტი.

გარდა ამისა, გაეროს შეშფოთებას იწვევს “მტრულ სახელმწიფოსთან კოლაბორაციონიზმის გამო დასჯაზე” მიმართული კანონპროექტების მიღება, რომლებიც ეწინააღმდეგებიან აზრის თავისუფლად გამოხატვის პრინციპებსა და ასევე მშვიდობიანი შეკრებებისა და გაერთიანებების უფლების საერთაშორისო სტანდარტებს.

გაერომ ხაზი გაუსვა, რომ ადამიანის უფლებების დარგში უზენაესი კომისრის სამმართველო კვლავინდებურად აფიქსირებს უკრაინაში უფლებადამცველებზე, მედიის წარმომადგენლებზე და პოლიტიკურ მოღვაწეებზე თავდასხმების ფაქტებს. ხოლო განუკითხაობას და დაუსჯელობას ხელს უწყობს პოლიციური დანაყოფების მხრიდან არასათანადო რეაგირების გარემოება. გარდა ცენტრალური სამი ტელეარხისა, 5-წლიანი სანქციების ქვეშ მოხვდნენ ასევე რეგიონალური ტელეარხებიც:

«Новый формат», «Ариадна ТВ», «ТВ Выбор», «Партнер ТВ» და «Лидер ТВ»”.

მიუხედავად ამ ყველაფრისა, უკრაინა ევროინტეგრაციის გზაზე დღეს ლოცმანის და ფლაგმანის როლშია, ხოლო საქართველომ “ცივილიზებული განვითარების” გეზს გადაუხვია თურმე. ამ სიცრუეში, სიყალბეში, ფარისევლობაში, ორმაგ სტანდარტებში საქართველოს ადგილი ნამდვილად არაა. ჩემი ლამაზი, ბრძენი, ათას უბედურებას გამოვლილი და საამაყო სამშობლო – ამ გაუკუღმართებული ბნელეთის კლანჭებში მეცოდება და მისთვის არ მემეტება.“