პროდიუსერი, მიშა მშვილდაძე:
“მიშა არ ჩამოვა, ჩამოვა, დაიჭერენ, არ დაიჭერენ, დაიჭერენ და ხალხი გაათავისუფლებს, დაიჭერენ და საერთაშორისო ზეწოლით გაათავისუფლებენ, დაიჭერენ და არავინაც არ გაათავისუფლებს, თუ რაც არ უნდა მოხდეს, მოვლენათა ნებისმიერი სცენარით განვითარების შემთხვევაში გამორიცხულია ერთი რამ – რომ ამ ქვეყნის მართვა ჩაიგდოს ხელში ერთმა ადამიანმა, ბიძინა იქნება ეს თუ მიშა თუ ზურა თუ მამუკა – ერთპიროვნული და ერთპარტიული მმართველობა ამ ქვეყანაში განჭვრეტად მომავალში აღარ იქნება – აღარ იქნება იმ მარტივი მიზეზის გამო, რომ არავის აქვს მოსახლეობის უმრავლესობის პიროვნული მხარდაჭერა – არც ბიძინას, არც მიშას და არც სხვას ნებისმიერს – ამიტომ არავის მოატყუებინოთ თავი და არავის მისცეთ უფლება იმანიპულიროს თქვენი შიშებით.
როგორც ერთი მერცხლის ჭიკჭიკი ვერ მოიყვანს გახაფხულს, ისე ვერ შეცვლის ერთი ადამიანის ნებისმიერი გადაწყვეტილება ნებისმიერი გადაადგილების შესახებ უკვე ჩამოყალიბებულ განწყობებსა და გეგმებს, დაფუძნებულს მოსახლეობის დიდი უმრავლესობის მიერ მკაფიოდ გამოხატულ ნებასა და ბოლო წლების მთელი ქვეყნის სრული პოლიტიკური, პარტიული, აქტივისტური, არასამთავრობო და საზოგადოებრივი ძალისხმევით ნაწარმოებ ყოვლისმომცველ კამპანიაზე, ერთპარტიული და ერთპიროვნული მმართველობის საპირწონედ, დაბალანსებული, მრავალფეროვანი და ფართოდ წარმომადგენლობითი კოალიციური მმართველობის ჩამოყალიბებისა.
კოალიცია არის სისტემური პასუხი ამ ქვეყნის ყველა მნიშვნელოვან და უმნიშვნელოვანეს მიმდინარე გამოწვევაზე, იქნება ეს ძალოვანების მოთოკვა, სასამართლოს გათავისუფლება, ეკონომიკის გაჯანსაღება, სოციალური თანასწორობა, კანონის უზენაესობა თუ პანდემიის შედეგებთან გამკლავება
კომენტარები