პოლიტოლოგი, გია ხუხაშვილი:
“ხმამაღლა ყველა საუბრობს 12 პუნქტიანი პირობების შესრულებისთვის თანამშრომლობის სხვადასხვა ფორმებზე, მაგრამ ყველას ესმის, რომ ეს არის მკვდრადშობილი პროცესი, რომელიც როგორც ყოველთვის უშედეგოდ, უცილობელი კონფრონტაციით, ერთმანეთზე გადაბრალებით და შესაბამისად სრული ფიასკოთი დასრულდება.
კიდევ ერთხელ გავიმეორებ, რომ ამ პროცესის წარმატებით დასრულების ერთადერთი შანსი, მასში პირადად ივანიშვილის მონაწილეობაა.
არა აქვს მნიშვნელობა, ამას ის პოლიტიკოსის რანგში გააკეთებს, თუ მაგალითად “20/30”-ის სახელით.
ის დანიშნა ისტორიამ და პოლიტიკურმა რეალობამ პროცესზე პასუხისმგებლად და სწორად მან უნდა იკისროს ეს როლი, სხვა პარტიულ და სამოქალაქო ლიდერებთან ერთად.
ეს არის მისი ვალდებულებაც და შანსიც, უზრუნველყოს საკუთარი უსაფრთხოების და კეთილდღეობის დაცვა, რასაც შეიძლება ცოტა ხანში სერიოზული, შეუქცევადი საფრთხე შეექმნას.
სახელმწიფო ინტერესებზე აღარაფერს ვამბობ.”
კომენტარები