ბათუმში, ე.წ ოცნების ქალაქში მომხდარ მკვლელობასთან დაკავშირებით ახალი დეტალები ხდება ცნობილი.
დაკავებული მამულაძის ოჯახის წევრები აცხადებენ, რომ მოკლული გიორგი ბოლქვაძის ბიძაშვილი, ბრალდებული მამულაძის ძმის ცოლს სასიყვარულო sms–ებს წერდა, რაც დაპირისპირების მიზეზი გახდა.
ოჯახის წევრები “მთავარ არხთან” აცხადებენ, რომ მამულაძეები ბოლქვაძესთან დასალაპარაკებლად მივიდნენ, ხოლო გიორგი ბოლქვაძე მეგობრებთან და ნათესავებთან ერთად მამულაძეებს თავს დაესხა და ამის შემდეგ მამულაძემ ცივი იარაღი გამოიყენა.
“ამ ჩემს რძალს საერთოდ არც იცნობს, წავიდა სასიყვარულო მესიჯების წერა, ვიცი სახლში მარტო ხარო, შენი დედამთილ–მამამთილი სად დადისო…
მერე შემოვიდა და ჩემს ქმარს უთხრა, ვიღაც მწერს, ვერ გამოვდივარ ოთახიდან, მეშინიაო, რომ წავიდნენ მოლაპარაკებებზე ამ მკვდარმა აიღო და გაუგლიჯა თავი, იმენა დედას აგინებდნენ ჩემს შვილს”, – ამბობს ბრალდებულის დედა მზიური მჟავანაძე “მთავარ არხთან”.
შეგახსენებთ, გარდაცვლილის სახლში ჩალეწილია ფანჯრები, გატეხილია კარი. ადგილობრივების თქმით, დაკავებული მარტო არ იყო მისული და მას ძმები ახლდნენ.
კომენტარები